ករណីប៉ុនប៉ងមនុស្សឃាត ទៅលើជនរងគ្រោះបី្តប្រពន្ធ ០២នាក់

កំពង់ឆ្នាំង ៖ នៅយប់ថ្ងៃអង្គារ ទី១៨ ខែមករា ឆ្នាំ២០២២ វេលាម៉ោង២៣ និង ៣០នាទី នៅលើទូកបណ្ដែតទឹកនៅចំណុច (ឈ្លេញ) ស្ថិតក្នុងភូមិសេះស្លាប់ ឃុំឆ្នុកទ្រូ ស្រុកបរិបូណ៌ ខេត្តកំពង់ឆ្នាំង កើតមានករណីប៉ុនប៉ងមនុស្សឃាត ទៅលើជនរងគ្រោះបី្តប្រពន្ធ ០២នាក់ ។

១-ឈ្មោះ អេង ថា ភេទ ប្រុសអាយុ ៣៣ ឆ្នាំជនជាតិខ្មែរ មានទីលំនៅ ភូមិឃុំកើតហេតុខាងលើ ត្រូវជាប្ដី ។
២-ឈ្មោះ អាត់ ស្រីមុំ ភេទស្រី អាយុ៣១ឆ្នាំត្រូវជាប្រពន្ធ មានទីលំនៅ ភូមិឃុំកើតហេតុខាងលើ បណ្ដាលឱ្យរបួសធ្ងន់ បច្ចុប្បន្នកំពុងសម្រាកព្យាបាលនៅក្នុងមន្ទីរពេទ្យខេត្ត ។

ពេលធ្វើសកម្មភាពរួចជនសង្ស័យ បានគេចខ្លួនបាត់ ។

ក្រោយពេលកើតហេតុ កម្លាំងជំនាញអធិការដ្ឋាន នគរបាលស្រុកបរិបូណ៌ និង កម្លាំងប៉ុស្តិ៍នគរបាលរដ្ឋបាល បានចុះពិនិត្យដល់ កន្លែងកើតហេតុ កសាងសំណុំរឿង ដើម្បី បន្តនីតិវិធី ៕