ក្រសួងបរិស្ថាន ជួយសង្គ្រោះសត្វរអាត ទន្សាយបស្ចិម ចំនួន២ក្បាល ពីអ្នកយកមក លក់នៅតាមផ្លូវ
ភ្នំពេញ៖ បេីការបញ្ជាក់ឲ្យដឹងពីមជ្ឈមណ្ឌលអង្គការសម្រាប់ការអភិរក្សជីវៈចម្រុះ(ACCB) បានឱ្យដឹងនៅថ្ងៃនេះថា៖ មន្ទីរបរិស្ថានខេត្តសៀមរាប បានជួយសង្គ្រោះសត្វស្លាបរអាតទន្សាយបស្ចិម ចំនួនពីរក្បាលដែលជាបក្សីពនេចរក្នុងសិសិរដូវ ហោះមកកាន់ប្រទេសកម្ពុជា ពីអ្នកដេីរលក់តាមដងផ្លូវ។
អង្គការACCB បានបន្តថា៖ សត្វស្លាបទាំងពីរក្បាលនេះ ត្រូវបានទទួលការពិនិត្យវិនិច្ឆយសុខភាពរបស់វាដោយបសុពេទ្យរបស់អង្គការ ហើយដូចដែលលោកអ្នកបានមើល ឃើញនៅក្នុងរូបភាពនេះហើយ ពួកវាសក្ដិ សម នឹងលែងភ្លាមៗបាន មានន័យថា៖ សុខភាពពួកវានៅល្អធម្មតាទេ ។
ជាមួយគ្នានោះ អង្គការសម្រាប់ការអភិរក្សជីវៈចម្រុះ ក៏បានថ្លែងអំណរគុណដល់ ក្រសួងបរិស្ថាន តាមរយៈមន្ទីរបរិស្ថានខេត្តសៀមរាប និងក្រសួងកសិកម្ម រុក្ខាប្រមាញ់ និងនេសាទ តាមរយៈរដ្ឋបាលព្រៃឈើដែលបានរួមសហការជាមួយ គ្នានៅពេលជួយសង្គ្រោះ និងនៅពេលលែងសត្វរអាតទន្សាយបស្ចិមទាំងពីរនេះផងដែរ ៕. សំរិត 