ឃាត់ខ្លួនជនសង្ស័យបានចំនួន ៣ នាក់ និងដកហូតបានថ្នាំញៀន ២៩ កញ្ចប់

(ខេត្តកំពត) ៖ ស្នងការដ្ឋាននគរបាលខេត្តកំពត បានឲ្យដឹងថា នៅ ថ្ងៃទី ១២ ខែកញ្ញា ឆ្នាំ២០១៨ វេលាម៉ោង ១៥:១០ នាទី កម្លាំងជំនាញខេត្ត សហការជាមួយកម្លាំងអធិការដ្ឋានស្រុកឈូក បានចុះបង្ក្រាបករណីជួញដូរ និងប្រើប្រាស់គ្រឿងញៀន ស្ថិតក្នុងភូមិក្រាំងរលួស ឃុំក្រាំងស្នាយ ស្រុកឈូក ។ ឃាត់ខ្លួនជនសង្ស័យបានចំនួន ៣ នាក់ និងដកហូតបានថ្នាំញៀនចំនួន ២៩ កញ្ចប់ ស្មើនឹង ២,៧៩ ក្រាម ។ ១.ឈ្មោះ គិន វ៉ន ភេទប្រុស អាយុ ៣៣ ឆ្នាំ រស់នៅក្នុងភូមិ-ឃុំកើតហេតុខាងលើ) ។ ២.ឈ្មោះ យី សេង (ហៅយក្ស) ភេទប្រុស អាយុ ២៥ ឆ្នាំ នៅភូមិតូច ឃុំក្រាំងស្នាយ ស្រុកឈូក ។ ៣.ឈ្មោះ វ៉ន់ លីហួរ ភេទប្រុស អាយុ ២០ ឆ្នាំ នៅភូមិទឹកថ្លា ឃុំគូស ស្រុកត្រាំកក់ ខេត្តតាកែវ ។ បច្ចុប្បន្ន សមត្ថកិច្ចកំពុងកសាងសំណុំរឿង ដើម្បីអនុវត្តតាមនីតិវិធីច្បាប់ ៕