ប្រធានាធិបតីពូទីន បញ្ជាកងកម្លាំង អាវុធនុយក្លេអ៊ែរ «ត្រៀមស្ថិតក្នុងស្ថានការណ៍ ប្រុងជើងការខ្ពស់បំផុត»

បរទេស ៖ ទីភ្នាក់ងារព័ត៌មានបរទេស បានផ្សាយពីក្រុងមូស្គូនៅ យប់ថ្ងៃទី២៧កុម្ភះ ថាស្ថានីយទូរទស្សន៍រុស្សីបាន ចាក់ផ្សាយសារសម្លេង របស់លោកប្រធានាធិបតីវ្លាឌីមៀរ ពូទីន ដែលក្នុងនោះមានខ្លឹមសារថា លោកបានបញ្ជាដល់ កងកម្លាំងប្រយុទ្ធនៃអាវុធនុយក្លេអ៊ែររុស្សី «ត្រៀមស្ថិតក្នុងស្ថានការណ៍ ប្រុងជើងការខ្ពស់បំផុត» ដើម្បីឆ្លើយតបនឹងការដាក់ទណ្ឌកម្មធ្ងន់ៗមកលើរុស្សី របស់លោកខាងលិច ពិសេសគឺសកម្មភាពគម្រាម កំហែងដ៏គឃ្លើនរបស់អង្គការណាតូ ចំពោះរុស្សីនាពេលនេះ។

សហរដ្ឋអាមេរិចបានថ្កោលទោស សាររបស់រុស្សី និងអធិប្បាយថា នេះជាចំនុចដុតរោល ស្ថានការណ៍កាន់តែ អាក្រក់នៃសង្រ្គាម ព្រោះលកយុទ្ធនោះ មិនមាននរណាអាច ទទួលយកបានទេ៕