រថយន្ដក្រឡុកស៊ីម៉ងត៍ បុកប៉ះជាមួយរថយន្ត CIENNA ទិសដៅបញ្រ្ចាសគ្នា
ស្រុកព្រៃនប់ ៖ មានគ្រោះថ្នាក់ចរាចរណ៍រថយន្តបុកប៉ះគ្នា តាមផ្លូវជាតិលេខ៤ ម្តុំជិតស្ពានដែកចំការដូងប្រេង ចន្លោះបង្គោលគីឡូម៉ែត្រលេខ ១៦៧-១៦៨ ភូមិតានៃ ឃុំតានៃស្រុកព្រៃនប់ខេត្តព្រះសីហនុ ម៉ោងជិត១១កន្លះថ្ងៃត្រង់ ថ្ងៃ២៨កុម្ភៈ២០២២នេះ រវាងរថយន្ដក្រឡុកស៊ីម៉ងត៍ ផ្លាកលេខ ភ្នំពេញ 2AP-6938 មានទិសដៅរាជធានីភ្នំពេញ -ខេត្តព្រះសីហនុ( អ្នកបើកបរមិនទាន់ស្គាល់អត្តសញ្ញាណ) បុកប៉ះជាមួយរថយន្តតូច០១គ្រឿងម៉ាក TOYOTA CIENNA ពាក់ផ្លាកលេខ ព្រះសីហនុ 2B-9749 ទិសដៅបញ្រ្ចាសគ្នា)។
ករណីនេះនៅមិនទាន់ដឹងពីដើមហេតុ និងស្ថានភាពគ្រោះថ្នាក់បែបណានៅឡើយ ប៉ុន្តែបើតាមសមត្ថកិច្ចឲ្យដឹងជាបឋមដែរថា នៅក្នុងរថយន្តតូចមានមនុស្ស២នាក់បាន់ស្លាប់និង៤នាក់ទៀតរងរបួសធ្ងន់(ជនរងគ្រោះជាមនុស្សប្រុសទាំងអស់ មិនទាន់ស្គាល់អត្តសញ្ញាណ។
ក្រោយកើតហេតុចរាចរណ៍ ចំណុចនោះបានកកស្ទះ សមត្ថកិច្ចបាន ចុះអន្តរាគមន៍សម្រួល និងដោះស្រាយតាមនិតិវិធី ៕
