សំណេះសំណាលជាមួយ គ្រូបង្វឹក និង អត្តពលិកវូស៊ូហ្វឹកហាត់ បិទខ្ទប់នៅពហុកីឡដ្ឋានជាតិមរតកតេជោ

ភ្នំពេញ៖ លោក ម៉ុង ប៊ុនថា ជាអតីតកីឡាករវូស៊ូ និងជាអ្នកគាំទ្រក្លិបព្រះកុសុម: អន ស៊ុនវិឡៃ បានជួបសំណេះសំណាល់សួរសុខទុក និងនាំយកគ្រឿងបរិភោគជូនលោកគ្រូបង្វឹក គ្រូជំនួយ និងកីឡាករ-កីឡាការិនីវូស៊ូ ជាក្រុមជម្រើសជាតិកំពុងហ្វឹកហាត់បិទខ្ទប់នៅ ពហុកីឡដ្ឋានជាតិមរតកតេជោ កាលពីថ្ងៃទី១មីនាម្សិលម៉ិញនេះ។

លោកបានមានប្រសាសន៍ថា លោកជាអតីតកីឡាវូស៊ូកាលនៅរៀនថ្នាក់វិទ្យាល័យ និងរៀននៅមហាវិទ្យាល័យបាន ឆ្លៀតពេលហាត់ហ្វឹកហ្វឺនជាប្រចាំ និងបានចូលរួមការប្រកួត ជ្រើសរើសជើងឯក ថ្នាក់ជាតិ ច្រើនដង និងទទួលបានមេដាយថ្នាក់ជាតិបន្តបន្ទាប់ និងដោយជាប់រវល់ក្នុងការងារ ប្រចាំថ្ងៃរច្រើនបានឃ្លាតមួយរយៈ ប៉ុន្តែនៅតែមានការស្រឡាញ់ ចូលចិត្តកីឡាវូស៊ូគ្រប់ពេលវេលា ។

ដោយបានទទួលព័ត៌មានថាក្រុមកីឡាជម្រើសជាតិ វូស៊ូយើងកំពុងហាត់ហ្វឹកហ្វឺនបិទខ្ទប់ នៅក្នុងពហុកីឡដ្ឋានជាតិមរតកតេជោ មានការខ្វះខាតអាល់កុល ប្រើប្រាស់ក៏បានស្វះស្វែងរិះរកជាមួយ ក្រុមការងារដើម្បីបានអាល់កុល និងសម្ភារៈផ្សេងៗមួយចំនួនជួយក្នុងឳកាសបន្ទាន់នេះ ។

ដើម្បីជួយសម្រួលដល់សេចក្តីត្រូវការបន្ទាន់ ដល់ក្រុមកីឡាជម្រើសជាតិវូស៊ូយើង កំពុងហាត់ហ្វឹកហ្វឺនបិទខ្ទប់ នៅពហុកីឡដ្ឋានជាតិមរតកតេជោ ដែលត្រៀមទៅចូលរួមការប្រកួតកីឡា SEA GAMES លើកទី៣១ នៅទីក្រុងហាណូយ ប្រទេសវៀតណាមនាខែឧសភា ឆ្នាំ២០២២ខាងមុខនេះ ។
ឆ្លៀតឱកាសដ៍មានតម្លៃនេះ តាំងនាមតំណាងលោក ជា ប៊ុនហេង ប្រធានសហព័ន្ធកីឡាវូស៊ូកម្ពុជា និងក្នុងនាមនាងខ្ញុំជាអនុប្រធានសហព័ន្ធ និងជាអតីតកីឡាការិនីវូស៊ូមួយរូប សូមផ្តល់យោបល់ជូន កីឡាករ-កីឡាការិនីដម្រើសជាតិវូស៊ូយើងថា ត្រូវធ្វើអនា ម័យកីឡាជាប្រចាំ លាងដៃនិងសាប៊ូ ៣កុំ ៣ការពារ ជានិច្ច ដើម្បីមាន សុខភាពល្អ ហ្វឹកហាត់បានល្អ ប្រកួត បានជ័យជម្នះ និងបន្តទៅចូលរួមការប្រកួតកីឡា SEA GAMES លើកទី៣២ ឆ្នាំ២០២៣ នៅព្រះរាជាណាចក្រកម្ពុជាធ្វើជាម្ចាស់ផ្ទះ ។

កន្លងមកក្រុមកីឡាជម្រើសជាតិវូស៊ូយើង ធ្លាប់ទទួលបានមេដាយបន្តបន្ទាប់ក្នុងការប្រកួតកីឡាSEA GAMES ដូចជាឆ្នាំ២០០៩នៅ ប្រទេសឡាវ ឆ្នាំ២០១១ នៅប្រទេសឥណ្ឌូនេស៊ី ឆ្នាំ ២០១៣ ទទួលបាននៅប្រទេសមីយ៉ាន់ម៉ាជាដើម ដូចនេះសូមកីឡាករ-កីឡាការិនីជម្រើសជាតិវូស៊ូយើងទាំង អស់គ្នាស៊ូ ស៊ូ ក្នុងការហ្វឹកហាត់ ស្តាប់ការណែនាំរបស់លោកគ្រូ-អ្នកគ្រូបង្វឹកឈានទៅប្រកួតយកជ័យជម្នះ យកមេដាយជូនប្រទេសជាតិឲ្យបាន តាមគោលការណ៍របស់ក្រសួងអប់រំ យុវជន និងកីឡា គណៈកម្មាធិការ ជាតិអូឡាំពិកកម្ពុជា (N O C C) និងគណៈកម្មាធិការជាតិរៀបចំស៊ីហ្គេមឆ្នាំ២០២៣( CAMSOC) ។

ក្រសួងអប់រំ យុវជន និងកីឡាកម្មាធិការជាតិអូឡាំពិកកម្ពុជា (N O C C)និងគណៈកម្មាធិការជាតិ រៀបចំស៊ីហ្គេមឆ្នាំ២០២៣(CAMSOC) ដែលតែងតែយកចិត្តទុកដាក់ដល់សហព័ន្ធកីឡាវូស៊ូកម្ពុជាគ្រប់ពេល និងសូមអរគុណ លោកប្រធានមជ្ឈមណ្ឌលជាតិហ្វឹកហ្វឺនកីឡា លោកប្រធានណ្ឌលហ្វឺនហាត់ បិទខ្ទប់នៅពហុកីឡដ្ឋានជាតិមរតកតេជោ ដែលបានអនុញ្ញាតឲ្យនាងខ្ញុំ នាំយកអាល់កុល ជូនក្រុមកីឡាជម្រើសជាតិ ស៊ូយើងក្នុងឱកាសនេះ ៕