នគរបាលស្រុកសំឡូត បង្រ្កាបករណីគ្រឿងញៀន ឃាត់ខ្លួនជន សង័្សយចំនួន០២នាក់
ស្រុកសំឡូត ៖ កាលពីថ្ងៃទី ០៤ ខែ មីនា ឆ្នាំ២០២២ វេលាម៉ោង១៤ និង ១០ នាទី នៅចំណុចក្រុមទី០៣ភូមិតាសាញជើង ឃុំតាសាញ ស្រុកសំឡូតខេត្តបាត់ដំបង អនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង រួមនឹងយោបល់ របស់លោកឧត្តមសេនីយ៍ត្រី កុយ ហៀង ស្នងការរងផែនការងារប្រឆាំងគ្រឿងញៀន លោកវរសេនីយ៍ទោ ម៉ែន រីម អធិការនគរបាលស្រុកសំឡូតបានដឹកនាំ កម្លាំងផ្នែកប្រឆាំងគ្រឿងញៀនរួមជាមួយ កម្លាំងអន្តរាគមន៍ នៃអធិដ្ឋាននគរបាលស្រុកសំឡូតចុះប្រតិបត្តិការបង្រ្កាបបានករណី រក្សាទុកដោយខុសច្បាប់នូវសារធាតុញៀន ០១ករណី ក្នុងបទល្មើសជាក់ស្តែង និងបានឃាត់ខ្លួន ជនសង្ស័យបានចំនួន០២ នាក់ឈ្មោះ ឈិន ស្មីត ភេទ ប្រុស អាយុ២៥ឆ្នាំ មានទីលំនៅភូមិអូរសំរិលលើ ឃុំអូរសំរិល ស្រុកសំឡូត ខេត្តបាត់ដំបងនិងឈ្មោះ ស្រេង នី ភេទ ប្រុស អាយុ៣១ ឆ្នាំ មានទីលំនៅភូមិតាសាញជើងឃុំតាសាញ ស្រុកសំឡូត ខេត្តបាត់ដំបង។
វត្ថុតាមចាប់យកបានរួមមាន៖
ម្សៅក្រាមពណ៌សថ្លា ច្រកក្នុងកូនថង់ប្លាស្ទិច ពណ៌សថ្លា ចំនួន០៣ថង់ ទម្ងន់៩.៤៩ក្រាម(ទាំងសំបក)សង្ស័យមានសារធាតុញៀន។
ករណីខាងលើនេះ សមត្ថកិច្ចនគរបាល កំពុងរៀបចំ កសាងសំណុំរឿងបញ្ជូនជនសង្ស័យ និងវត្ថុតាងមក កាន់ការិយាល័យជំនាញ នៃស្នងការដ្ឋាន នគរបាលខេត្តបាត់ដំបង ដើម្បីចាត់ការបន្ត តាមនីតិវិធីច្បាប់៕
