ឆេះផ្ទះអ្នកលក់ក្រដាស សែនចូលឆ្នាំចិន នៅចំណុច បុរី ជីបម៉ុងលែនម៉ាក
រាជធានីភ្នំពេញ៖ នៅវេលាម៉ោង ០៦និង៥០នាទីព្រឹក ថ្ងៃពុធ ១៤កើត ខែផល្គុន ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១៦ ខែមីនា ឆ្នាំ២០២២ មានករណីអគ្គីភ័យមួយកន្លែងបាន កើតឡើងនៅចំណុច បុរី ជីបម៉ុងលែនម៉ាក ២៧១ ផ្លូវ ខមមើសល ផ្ទះលេខ ៣២៣ សង្កាត់ចាក់អង្រែរលើ ខណ្ឌមានជ័យ រាជធានីភ្នំពេញ ម្ចាស់ទីតាំងឈ្មោះ: ប៊ុន លិការ ភេទ ស្រី អាយុ ២៧ ឆ្នាំ មុខរបរ អ្នកលក់ក្រដាសសែនចូលឆ្នាំចិន ។
មូលហេតុ: កំពុងបន្តការស្រាវជ្រាវ ។ ប្រភេទសំណង់: ថ្មប៉េតុង ទំហំ ៤ម៉ែត្រ x ១៦ម៉ែត្រ ។ ខូចខាតសម្ភារៈ: រថយន្ត ០២គ្រឿង (ម៉ាកតូយូតា តាកូម៉ាផ្លាកលេខភ្នំពេញ ២AE ៧៤៣៩ ម៉ាកតូយូតាកូរូឡាផ្លាកលេខភ្នំពេញ ២AB ៩៣៦៣ ) សម្ភារៈសំរាប់លក់ដូរអស់ទាំងស្រុងនឹងពុំបណ្ដាលអោយឆេះរាលដាលដល់ផ្ទះអ្នកក្បែរខាងឡើយ ។
បានប្រេីប្រាស់រថយន្តការិយាល័យអគ្គិភ័យ : ចំនួន ១១ គ្រឿង ប្រេីប្រាស់ទឹកអស់ ២២ រថយន្ត ស្មើរនឹង ៨៨ម៉ែត្រគូប ។ រថយន្តជំនួយអន្តរាគមន៍: រថយន្តក្រសួងមហាផ្ទៃ ចំនួន ០១ គ្រឿង ប្រើប្រាស់ទឹកអស់ចំនួន ០១ រថយន្ត ស្មើរនឹង ០៤ម៉ែត្រគូប ។ រថយន្តទីក្រុងកោះពេជ្យ ចំនួន ០៣ គ្រឿង ប្រើបាស់ទឹកអស់ចំនួន ០៣ រថយន្ត ស្មើរនឹង ១២ ម៉ែត្រគូប ។ រថយន្តក្រុមហ៊ុនស្រាបៀរកម្ពុជា ចំនួន ០១ គ្រឿង ប្រើប្រាស់ទឹកអស់ ០៣ រថយន្ត ស្មើរនឹង ១២ម៉ែត្រគូប ។ ពន្លត់ចប់ : នៅវេលាម៉ោង ០៩:២០ នាទីព្រឹក ថ្ងៃខែឆ្នាំដដែល ៕
