រយះពេល១សប្តាហ៍ក្រុមការងារ ត្រួតពិនិត្យយានយន្តកែឆ្នៃខុសលក្ខណៈបច្ចេកទេសខេត្តព្រះវិហារត្រួតពិនិត្យរថយន្តបាន២៣៤គ្រឿង
ភ្នំពេញ៖ រយះពេល១សប្តាហ៍ក្រុមការងារត្រួតពិនិត្យយានយន្តកែឆ្នៃខុសលក្ខណះបច្ចេកទេសខេត្តព្រះវិហារត្រួតពិនិត្យរថយន្តបានចំនួន២៣៤គ្រឿង និងបានរកឃេីញត្រឹមត្រូវចំនួន១៧៥គ្រឿង។
លោកសំ លាងទ្រី ប្រធានមន្ទីរសាធារណការនិងដឹកជញ្ជូនខេត្តព្រះវិហារ បានអោយដឹងថា៖ គិតចាប់ពីថ្ងៃទី១៤-២០ ខែមីនា ឆ្នាំ២០២២នេះ ក្រុមការងារត្រួតពិនិត្យយានយន្តកែច្នៃខុសលក្ខណៈបច្ចេកទេសខេត្តព្រះវិហារ បានចុះអនុវត្តការងារដោយបានធ្វេីការត្រួតពិនិត្យយានយន្តដែលធ្វេីចរាចរណ៍នៅលេីកំណាត់ផ្លូវជាតិលេខ៦២ ត្រង់ចំណុចគីឡូម៉ែត្រលេខ ៣៦+២០០ ស្ថិតក្នុងភូមិជីអោក ឃុំរមណីយ ស្រុករវៀង ខេត្តព្រះវិហារ ដោយបានត្រួតពិនិត្យរថយន្តសរុបចំនួន២៣៤គ្រឿង ក្នុងនោះ៖ពិនិត្យឃើញថាត្រឹមត្រូវ ចំនួន១៧៥គ្រឿង។កាត់ទ្រុងចំនួន០៣គ្រឿង។
ដឹកទំនិញខុសលក្ខណៈបច្ចេកទេស ចំនួន ១០គ្រឿង ។
ខ្វះឯកសារចំនួន២៧គ្រឿង។ ដោះរានតខាងក្រោយ ចំនួន០៥គ្រឿង។ ឯកសារ បណ្ណបើកបរ និងផ្លាកលេខក្លែងក្លាយចំនួន០៦គ្រឿង ។ បណ្ណបើកបរខុសប្រភេទយាន ចំនួន ០៨នាក់។
លោកសំ លាងទ្រី បានសូមអោយបងប្អូនប្រជាពលរដ្ឋចូលរួមគោរពច្បាប់ស្តីពីចរាចរណ៍ផ្លូវគោកទាំងអស់គ្នា ដោយមិនត្រូវកែឆ្នៃយានយន្តខុសលក្ខណ:បច្ចេកទេស ដោយតទ្រុង តរានខាងក្រោយ ផ្ទុកទំនិញលេីសទម្ងន់ ដឹកសំពីងសំពោង…ជាដេីម ដែលជាហេតុនាំឲ្យបង្ករគ្រោះថ្នាក់ចរាចរណ៍កេីតឡេីងជាយថាហេតុ៕