រថយន្តម៉ាកFUSO បើកបុកមន្ត្រីនគរបាលម្នាក់ ស្លាប់
កំពង់ស្ពឺ ៖ មន្ត្រីនគរបាលម្នាក់បានស្លាប់ ដោយសាររថយន្តម៉ាកFUSO បើកបុកពីក្រោយក្នុងទិសដៅស្របគ្នា កាលពីថ្ងៃទី០១ ខែមេសា ឆ្នាំ២០២២ វេលាម៉ោង ២០និង ៣០ នាទី លើផ្លូវលេខ៤៤ចន្លោះគីឡូមែត្រ១១៨ . ១១៩ ត្រង់ចំណុចភូមិគោល ឃុំ មនោរម្យ ស្រុកថ្ពង ខេត្តកំពង់ស្ពឺ ។
តាមការបញ្ជាក់ពីសមត្ថកិច្ចបានអោយដឹងថា មុនពេលកើតហេតុ មានរថយន្តមួយគ្រឿងម៉ាកFUSO ពណ៌បាយតង ពាក់ស្លាកលេខ កំពង់ស្ពឺ 3A2744 សណ្តោងស៊ឺមីរឺម៉ក ពណ៌បាយតងពាក់ស្លាកលេខ ព្រះសីហនុ 4A 3939 អ្នកបើកបរ មិនស្គាល់អត្តសញ្ញាណ មិនស្គាល់អាសយដ្ឋាន បានចុះរត់គេចខ្លួន បើកបរពីទិសខាងលិចទៅទិសខាងកើត ពេលមកដល់ចំណុចខាងលើបានបុកពីក្រោយម៉ូតូមួយគ្រឿង ម៉ាកហុងដាឌ្រីម C១២៥ ពណ៌ខ្មៅស៊េរីឆ្នាំ ២០១៩ ពាក់ស្លាកលេខ កំពង់ស្ពឺ ១O ៦៤៥៦ អ្នកបើកបរឈ្មោះ វ៉ាន់ ដន ភេទប្រុស អាយុ៥២ឆ្នាំ ( មុខរបរមន្ត្រីនគរបាល ) (ពាក់មួកសុវត្ថិភាពស្លាប់) រស់នៅភូមិមនោរម្យ ឃុំមនោរម្យ ស្រុកថ្ពង ខេត្តកំពង់ស្ពឺ ។
បន្ទាប់ពីកើតហេតុ សមត្ថកិច្ចបានចុះធ្វើកំណត់ហេតុប្រគល់សាកសពអោយទៅក្រុមគ្រួសារដើម្បីធ្វើបុណ្យតាមប្រពៃណី ។
ចំពោះវត្ថុតាងទាំង២គ្រឿងខាងបានលើ បានយកមករក្សាទុកនៅប៉ុស្តិ៍នគរបាលរដ្ឋបាលមនោរម្យ នៃធិការដ្ឋាននគរបាលស្រុកថ្ពង ដើម្បីចាត់ការតាមនីតិវិធី៕
