បុរសម្នាក់បានស្លាប់ ដោយដុំដែកហាត់ប្រាណ ធ្លាក់លេីចំបំពង់ក

ភ្នំពេញ៖ ជនរងគ្រោះម្នាក់បានស្លាប់ ដោយដុំដែកហាត់ប្រាណធ្លាក់លេីចំបំពង់ក នៅវេលាម៉ោង ០៩:៤០ នាទី ព្រឹក ថ្ងៃ ទី០៤ ខែ មេសា ឆ្នាំ ២០២២ ក្នុងបុរីមួយកន្លែង ផ្ទះលេខ០៥ ផ្លូវលេខ០៤ ភូមិ ៥ សង្កាត់ ទឹកថ្លា ខណ្ឌ សែន រាជធានីភ្នំពេញ ។

តាមប្រភពព័ត៌មាន ពីបងប្អូនម្ចាស់ផ្ទះបានឲ្យដឹងថា សព យុវជន ខាងលេីត្រូវបានម្ចាស់ផ្ទះរាប់អាន ជាប្អូនធម៌ និងពឹងឲ្យមកជួយមេីលការខុសត្រូវផ្ទះនេះ ដោយគាត់បានទៅរស់នៅស្រុកក្រៅ ហេីយជារៀងរាល់ព្រឹកជនរងគ្រោះតែងតែហាត់ប្រាណលើកដុំដែក នៅថ្ងៃកើតហេតុខាងលើម្ចាស់ផ្ទះបានទេទំនាក់ទំនងមកជនរងគ្រោះដែរតែមិនមានអ្នកទទួល ដោយមានការសង្ស័យ ក៍បានតេទៅបងប្អូនដែលនៅជិតខាងឲ្យទៅជួយមេីល ក្រោយពេលទៅដល់ទេីបដឹងថាជនរងគ្រោះបានស្លាប់បាត់ទៅហើយ ដោយដុំដែកហាត់ប្រាណធ្លាក់លេីចំបំពង់ក ស្លាប់ រួច ក៏ បានរាយការណ៍ទៅសមត្ថកិច្ចមូលដ្ឋានចុះមកពិនិត្យ និងធ្វើកោសល្យវិច័យ ។

យុវជនដែលបានស្លា.ប់មានឈ្មោះថា ផេន ចាន់ នី ហៅ ពៅ ភេទប្រុសអាយុ 21 ឆ្នាំ មានស្រុកកំណើត ភូមិត្របែក ឃុំជើងព្រៃ ស្រុកបាធាយ ខេត្តកំពង់ចាម។
កម្លាំងនគបាលជំនាញ ចក្ខុកោសល្យវិច័យ បានឲ្យដឹងទៀតថាសពខាងលេីពិតជាស្លាប់ដោយសាដុំដែកធ្លាក់សង្កត់លេី ពិតប្រាកដ មែន។

សាកសពរបស់ជនរងគ្រោះត្រូវបានសមត្ថកិច្ចជំនាញប្រគល់ជូនក្រុមគ្រួសារសាច់ញាតិយកទៅធ្វើបុណ្យតាមប្រពៃណី៕