លោក Elon Musk នាយកប្រតិបត្តិនៃក្រុមហ៊ុន Tesla បានក្លាយជាអ្នកមានជាងគេបំផុត ក្នុងពិភពលោក

បរទេស ៖ នៅឆ្នាំនេះ លោក Elon Musk នាយកប្រតិបត្តិនៃក្រុមហ៊ុន Tesla បានក្លាយជាអ្នកមានជាងគេបំផុតក្នុងពិភពលោក ដោយមានទ្រព្យសម្បត្តិទាំងអស់ចំនួន ២១៩ ០០០ លានដុល្លារ ។

ក្នុងទូទាំងពិភពលោក អ្នកដែលមានលុយលើសពីពាន់លានដុល្លារ មានចំនួន ២ ៦៨៨ នាក់ ( អ្នកថ្មី ២៣៦ នាក់ ) ដែលមានទ្រព្យសរុប ១២,៧ ទ្រីលានដុល្លារ ( សូន្យ ១២ ខ្ទង់ ) ។

តំបន់ដែលមានអ្នកមានពាន់លានដុល្លារច្រើនជាងគេគឺនៅតំបន់ អាសុី-ប៉ាសុីហ្វិក ( ១ ០៨៨ នាក់ ) បន្ទាប់មកគឺសហរដ្ឋអាមេរិក ( ៧៣៥ នាក់ ) និង អឺរ៉ុប ( ៥៩២ នាក់ ) ។ កាសែតបាងកកប៉ុស្ត ចេញផ្សាយថ្ងៃព្រហស្បតិ៍ ទី ៧ មេសា ២០២២៕