បុរសម្នាក់បើករថយន្ត Prius បុកស្ពានស្ទឹងមានជយ័ បណ្តាលឲ្យឆេះខ្ទេច

ភ្នំពេញ ៖​ បុរសម្នាក់សង្សយ័ ស្រវឹងស្រា បើករថយន្ត Toyota Prius មួយគ្រឿង ​​បុកក្បាលស្ពានអាកាសស្ទឹងមានជ័យបណ្ដាលឲ្យឆេះទាំងស្រុង កាលពីវេលា​ម៉ោង​ ១២និង៣០នាទីយប់រំលងអាធ្រាត្រ ឈានចូលថ្ងៃសៅរ៏ ទី៩​ ខែមេសា ឆ្នាំ២០២២។

រថយន្តម៉ាក Toyota Prius មួយគ្រឿង ពណ៌ស ពាក់ស្លាកលេខភ្នំពេញ 2BJ-0755 ធ្វើដំណើរតាមបណ្ដោយផ្លូវព្រះមុនី រ៉េត (២១៧)ទិសដៅពីកើតមកលិច ឆ្លងកាត់ខាងក្រោមស្ពានអាកាសស្ទឹងមានជ័យ ខណៈ មកដល់ចំណុចកើតហេតុក៏ជ្រុលចង្កូតទៅបុកខឿនផ្លូវពេញទំហឹង បណ្ដាលឲ្យរថយន្តបែកកង់ និងឆាបឆេះតែម្តង។
ម្ចាស់រថយន្តមិនមានរងរបួសអ្វីទេ។

សមត្ថកិច្ចជំនាញបង្ការពន្លត់អគ្គិភ័យ បានឲ្យដឹងថា ខណៈមានករណីអគ្គិភ័យកំពុងឆាតឆេះរថយន្ត មួយគ្រឿង ដែលស្ថិតនៅត្រង់ចំណុចស្ពានស្ទឹងមានជ័យ តាមបណ្តោយផ្លូវព្រះមុន្នីរ៉េត ក្នុងសង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ នាវេលាម៉ោង ១២និង៣០នាទៅយប់ ថ្ងៃទី០៩ ខែមេសា ឆ្នាំ២០២២នេះ ក្រោយពីទទួលបានដំណឹងនេះភ្លាម កម្លាំងសមត្ថកិច្ចជំនាញបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ បានចេញរថយន្តពន្លត់អគ្គិភ័យទៅជួយអន្តរាគមន៍ផងដែរ។