កិច្ចប្រជុំត្រីមាសទី១ រវាងសមាគមសហគ្រិនស្ត្រីកម្ពុជា និងក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍

ភ្នំពេញ៖ កិច្ចប្រជុំត្រីមាសទី១ រវាងសមាគមសហគ្រិនស្ត្រីកម្ពុជានិងក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ដែលសហការរៀបចំដោយក្រុម ការងាររបស់អគ្គនាយកដ្ឋានឧស្សាហកម្ម និងអគ្គនាយក ដ្ឋានសហគ្រាសធុនតូចនិងមធ្យម និងសិប្បកម្ម ត្រូវ បាន រៀបចំ ប្រារព្ធធ្វេីឡេីង នៅព្រឹក ថ្ងៃទី ១៩ ខែ មេសា ឆ្នាំ ២០២២ ក្រោមអធិបតីភាព ឯកឧត្តម កិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្រ្តី រដ្ឋមន្ត្រី ក្រសួង ឧស្សាហកម្ម វិទ្យាសាស្ត្រ បច្ចេកវិទ្យា និង នវានុវត្តន៍ នៅទីស្តីការក្រសួង ។

គោលបំណង នៃកិច្ចប្រជុំ គឺដេីម្បីអនុវត្តតាមអនុ សាស ន៍ ណែនាំ ដ៏ខ្ពង់ខ្ពស់ របស់ ឯកឧត្តម កិត្តិសេដ្ឋាបណ្ឌិត ទេសរដ្ឋមន្រ្តី ចម ប្រសិទ្ធ ដែលបានកំណត់រយៈ ពេល០៣ ខែម្ដង ដេីម្បីភាគីទាំង ពីរ ក្រសួង និងសមាគម ពិភាក្សាបញ្ហាប្រឈម និង សំណេីរដំណោះស្រាយរបស់ របស់ សមាគម សហគ្រិន ស្ត្រី កម្ពុជា ដែល បានចងក្រងក្នុងសៀវភៅស របស់ខ្លួន ។
លោកជំទាវ ឧកញ៉ា មហាឧបាសិកាពុទ្ធសាសនូបត្ថម្ភក៍ កែវ មុំ ប្រធាន សមាគម សហគ្រិន ស្ត្រី កម្ពុជា បានសម្តែងនូវទឹកចិត្តរីករាយ និង ថ្លែង អំណរគុណ យ៉ាង ជ្រាលជ្រៅ ដល់ ឯកឧត្តម កិត្តិសេដ្ឋាបណ្ឌិត ទេសរដ្ឋមន្រ្តី ចម ប្រសិទ្ធ ដែល តែងយកចិត្តទុកដាក់ ហេីយ តែងផ្តល់ដំណោះស្រាយ និងអនុសាសន៍ណែនាំល្អៗ ដល់សមាគមជានិច្ច ដែល ជាមូលដ្ឋាន ជួយឲ្យសមា គម កាន់តែ មានភាពរឹងមាំមួយកំរិតទៀត ។
ឯកឧត្តម កិត្តិសេដ្ឋាបណ្ឌិត ទេសរដ្ឋមន្រ្តី ចម ប្រសិទ្ធ បានសម្តែងការស្វាគមន៍ និងកោតសរសេីរចំពោះភាពរីកចម្រេីន និងធនធានមនុស្សជាស្ត្រីដែលមានសហគ្រិនភាពដ៏ឆ្នេីមនៅក្នុងក្រុមហ៊ុន សហគ្រាស របស់ខ្លួន ហេីយបាន ចូលរួម យ៉ាងសកម្ម ក្នុងសកម្មភាពអភិវឌ្ឍ សេដ្ឋកិច្ចជាតិរបស់យេីង ។
បន្ទាប់មក អង្គពិធីបានពិភាក្សា ផ្តល់ អនុសាសន៍ និងផ្តល់ ដំណោះស្រាយជាក់ស្តែងទៅលេីបញ្ហាចំនួន៣ ចំណុច ដែលត្រូវ បានធ្វេីបទបង្ហាញ មានចែងក្នុងសៀវភៅសទី២ និងទី៣របស់សមាគម ។ ចំណុច បញ្ហាទាំង៣ នោះរួមមាន៖ទី១-បុគ្គលិកខ្វះជំនាញ និងប្រាក់ឈ្នួលខ្ពស់ទី២-មានការលំបាកក្នុងការទទួលកម្ចីពីធនាគារ៑ និងទី៣-ផលប៉ះពាល់ដោយជម្ងឺរាតត្បាតកូវីដ ១៩ លើអាជីវកម្ម ។
ឆ្លេីយតប នឹងបញ្ហា ខាងលេី ឯកឧត្តម កិត្តិសេដ្ឋាបណ្ឌិត ទេសរដ្ឋមន្រ្តី ចម ប្រសិទ្ធ និងថ្នាក់ដឹកនាំទទួល បន្ទុក បានធ្វេីការឆ្លេីយតប ផ្តល់អនុសាសន៍ និងដំណោះស្រាយជាក់ស្តែងជាច្រេីន ដោយសង្កត់ធ្ងន់ទៅលេីការអភិវឌ្ឍអាជីវកម្មតាមបទដ្ឋានបច្ចេកទេស ការសន្សំសំចៃថាមពល អនុវត្តឧស្សាហកម្ម បៃតង ជាពិសេស ការបណ្តុះប ណ្តាលពង្រឹងសមត្ថភាពដល់បុគ្គលិក និងនយោជិក ឲ្យមានចំណេះជំនាញស្របនឹងមុខសញ្ញាការងាររបស់ខ្លួន ។ ទាក់ទង នឹងការលំបាកទទួលបានប្រាក់កម្ចីពីធនាគារ ថ្នាក់ដឹកនាំ បានលេីកឡេីងពីការខិតខំរបស់រាជរដ្ឋាភិបាលនិងក្រសួង ស្ថាប័ន ពាក់ព័ន្ធ បង្កេីតឲ្យមានធនាគារ SME ធនាគារអភិវឌ្ឍជនបទ ជាដេីម ដេីម្បីសហគ្រាសទទួលបាន ប្រាក់កម្ចីដែលមានការ ប្រាក់ទាប ។
ចំពោះបញ្ហាផលប៉ះបាល់ដោយជម្ងឺរាតត្បាតកូវីដ ១៩ លើធុរកិច្ច ថ្នាក់ដឹកនាំក្រសួងជម្រាបថា៖កន្លងមកក្រសួងបានទទួលជំនួយបច្ចេកទេសពីស្ថានទូតអូស្ត្រាលី តាម រយៈអង្គការ CAVAC សម្រាប់ រៀបចំវគ្គបណ្តុះបណ្តាល ស្តីពីការលើកកម្ពស់សមត្ថភាពសហគ្រិនជាស្ត្រីតាមប្រព័ន្ធ បច្ចេកវិទ្យាឌីជីថលសម្រាប់អាជីវកម្មទាំង២៥រាជធានីខេត្ត ។ ជាមួយគ្នានេះក៏មានការ បេីកវគ្គបណ្តុះបណ្តាល បច្ចេកទេស ដើម្បីជួយស្តារ និងលើកស្ទួយអាជីវកម្មឡើងវិញ ទៅតាមរបត់ថ្មីនៃការរីករាលដាលនៃជម្ងឺកូវីដ១៩ ជាច្រើន ផងដែរ ។
ជាចុងក្រោយ ផ្អែកតាមសំណេីររបស់សមាគម ឯកឧត្តម កិត្តិសេដ្ឋាបណ្ឌិត ទេសរដ្ឋមន្រ្តី ចម ប្រសិទ្ធ បានសម្រេចឲ្យរៀបចំពិធីសម្ពោធសៀវភៅស ក្បាលទី២ និងទី៣ ដែលចងក្រងដោយសមាគម នៅថ្ងៃទី ០៦ ខែ ឧសភា ឆ្នាំ២០២២ ខាងមុខ នៅទីស្តីការក្រសួង ។ ទាក់ទងនិងការខ្វះទីតាំងសម្រាប់តាំងបង្ហាញផលិត ផលស្នាដៃខ្មែរ ឯកឧត្តម កិត្តិសេដ្ឋាបណ្ឌិត អនុញ្ញាត ឲ្យសមាគមយកផលិតផល របស់ខ្លួន មកតាំងនៅទីតាំងទីស្តីការក្រសួង នៅពេលអគារថ្មីកំពស់១៨ជាន់នឹងសាងសង់រួចនាពេលខាងមុខ ។ ចំពោះវគ្គបណ្តុះបណ្តាលនានា យេីងត្រូវខិតខំបន្តទៀតទាំងតាមប្រព័ន្ធ អនឡាញ និងការចុះដល់រោងចក្រដោយផ្ទាល់ផងដែរ ។