ប្រជាពលរដ្ឋមានជីវភាពខ្វះខាត៣០ គ្រួសារ នៅសង្កាត់ទឹកល្អក់ទី៣ ទទួលបានអំណោយកាកបាទក្រហមកម្ពុជា

ភ្នំពេញ៖នៅថ្ងៃទី ២៥ ខែ មេសា ឆ្នាំ២០២២ ក្រុមការងារអនុសាខាកាកបាទក្រហមកម្ពុជា ខណ្ឌទួលគោក ដឹកនាំដោយ លោក ជា ពិសី អភិបាលខណ្ឌទួលគោក អមដំណើរដោយ លោក ហួរ ហួត អនុប្រធានគណៈកម្មាធិការ អនុសាខាកាកបាទក្រហមខណ្ឌ លោក លោកស្រី សមាជិក សមាជិកាគណៈកម្មាធិការអនុសាខាកាកបាទក្រហមខណ្ឌ និងក្រុមការងារកាកបាទក្រហមសង្កាត់ទឹកល្អក់ទី៣ បានចុះសួរសុខទុក្ខ និងចែកអំណោយដ៏ថ្លៃថ្លារបស់ កាកបាទក្រហមកម្ពុជា ជូនដល់ប្រជាពលរដ្ឋដែលមានជីវភាពខ្វះខាត សរុបចំនួន៣០ គ្រួសារ មកពីសង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ។

អំណោយដែលលោកអភិបាលខណ្ឌទួលគោកផ្តល់ជូនបងប្អូនទាំង៣០គ្រួសារ ដោយក្នុង០១គ្រួសារៗ ទទួលបាន រួមមាន៖ អង្ករ ២៥ គីឡូក្រាម ទឹកសុីអុីវ ០១ យួរ ត្រីខ ០១ យួរ ជែលលាងដៃ ០១ ដប និងថវិកាចំនួន ៣០,០០០ រៀល ៕