ចាត់តាំងលោក អូន ព័ន្ធមុនីរ័ត្ន ជាប្រធានក្រុមការងារចុះជួយខេត្តកណ្ដាល ជំនួសសម្ដេច
ភ្នំពេញ៖ សម្ដេចតេជោ ហ៊ុន សែន នៅថ្ងៃទី១៨ ខែកញ្ញា ឆ្នាំ២០១៨នេះ បានចេញសេចក្ដីសម្រេច សម្រួលភារកិច្ច និងចាត់តាំង លោក អូន ព័ន្ធមុនីរ័ត្ន ជាប្រធានក្រុមការងារថ្នាក់កណ្ដាលចុះជួយ ខេត្តកណ្ដាល ជំនួសសម្ដេច ដែលមានភារកិច្ចទទួលបន្ទុក ដឹកនាំការងារគណបក្សនៅទូទាំងប្រទេស។
កាលពីអាណត្តិទី៥កន្លងទៅ លោក អូន ព័ន្ធមុនីរ័ត្ន គឺជាប្រធានគណៈអចិន្ដ្រៃយ៍គណៈពង្រឹងការងារ ស្រុកខ្សាច់កណ្ដាល ខេត្តកណ្ដាល។
សូមបញ្ជាក់ថា ការចាត់តាំងតួនាទីជាប្រធានក្រុមការងារនេះ ដើម្បីជួយសម្រួលដល់ការងាររបស់សម្ដេចតេជោ ហ៊ុន សែន ព្រមទាំងជួយពង្រឹងការងារមូលដ្ឋាន នៅក្នុងខេត្តកណ្ដាល ឲ្យកាន់តែល្អប្រសើរបន្ថែមទៀត៕
