មើលទិដ្ឋភាពខ្លះៗ នៃការបើស៊ីហ្គេម លើកទី៣១ នាយប់ម៉ិញនេះ

ភ្នំពេញ៖ប្រតិភូគ្រូបង្វឹកកីឡាករកីឡាការិនីនៃប្រទេសជាសមាជិកអាស៊ានបានចូលរួមក្នុងពិធីសម្ភោធន៍បើកការប្រកួតកីឡាស៊ីហ្គេមលើកទី៣១ដែលធ្វើនៅទីក្រុងហាណូយនាយប់ថ្ងៃទី១២ឧសភា ។

ឯកឧត្តមបណ្ឌិត ថោង ខុន រដ្ឋមន្ដ្រីក្រសួងទេសចរណ៍ អនុប្រធានអចិន្ត្រៃយ៍ គណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ លើកទី៣២ ឆ្នាំ២០២៣ (CAMSOC) ប្រធានគណៈកម្មាធិការជាតិអូឡាំពិក(NOCC)និងជាប្រធានប្រតិភូកីឡាកម្ពុជាបានចូលរួមស្វាគមន៍ចំពោះអត្តពលិកកម្ពុជាគ្រូបង្វឹកគ្រូជំនួយនៅក្នុងពីធីសម្ភោធន៍បើកការប្រកួតកីឡាស៊ីហ្គេមជាផ្លូវការនេះ ។

ដើមឡើយគ្រោងនឹងប្រព្រឹត្តទៅចាប់ពីថ្ងៃទី ២១ ខែវិច្ឆិកាដល់ថ្ងៃទី ២ ខែធ្នូ ឆ្នាំ ២០២១តែអ្វីៗត្រូវរំខានដោយជម្ងឺរាតត្បាតកូវីដ១៩ទើបការប្រកួតត្រូវពន្យារមកដល់ពេលនេះ ។នេះជាព្រឹត្តិការណ៍ប្រកួតពហុកីឡាដែលធ្វើរៀងរាល់២ឆ្នាំម្ដងសម្រាប់លើកនេះកីឡាចំនួន
៤០ប្រភេទដែលមានចំនួន៥២៦វិញ្ញាសាត្រូវបានដាក់ឲ្យប្រកួត ។

នេះជាលើកទី២ហើយដែលវៀតណាមធ្វើជាម្ចាស់ផ្ទះនៃព្រឹត្តិការណ៍ស៊ីហ្គេមដែលលើកទី១ធ្វើនៅឆ្នាំ២០០៣ ។ស៊ីហ្គេមលើកទី៣១នេះធ្វើឡើងក្រោមបាវចនា”សម្រាប់អាស៊ីអាគ្នេយ៍
ដ៏រឹងមាំ “។មានអត្តពលិកមកពី១១ប្រទេសចូលរួមគឺមានចំនួន៥.៤៦៧នាក់ ។ប្រទេសទាំង១១
ដែលចូលរួមនោះមានកម្ពុជា វៀតណាម ថៃ ឡាវ សឹង្ហបូរី ម៉ាឡេស៊ី ឥណ្ឌូនេស៊ី ហ្វីលីពីន
ប្រ៊ុយណាដារុយហ្សាឡឹម ទីម័រខាងកើត និងប្រទេសមីយ៉ាន់ម៉ា ។

.