កីឡារាំបង្កើនការហ្វឹកហាត់
ភ្នំពេញ៖លកស្រីញ៉ែម មរកតប្រធានសហព័ន្ធកីឡារាំកម្ពុជា បានប្រកាសក្នុងសន្និសីទកាសែតនាព្រឹកថ្ងៃទី១៨ កញ្ញាថាកីឡារាំនឹងបង្កើន ការហ្វឹកហាត់ឲ្យកាន់តែខ្លាំងបន្ថែមទៀត ដើម្បីត្រៀមខ្លួនចូលរួម ការប្រកួតកីឡាស៊ីហ្គេមនាឆ្នាំ២០១៩នៅប្រទេសហ្វីលីពីន ។
សូមបញ្ជាក់ថាកីឡាករ-កីឡាការិនីរាំកម្ពុជាដែលទៅចូលរួមប្រកួតក្នុងព្រឹត្តិការណ៍ អាស៊ី ADSF Asian Single Dance Championship និង Hong Kong Open 2018 នៅទីក្រុងហុងកុងនោះ បានត្រឡប់មកដល់ប្រទេកម្ពុជាវិញកាល ពីកណ្ដាលអាធ្រាតថ្ងៃទី១៧កញ្ញា ។
លោកវ៉ាត់ ចំរើនអគ្គលេខាធិការគណៈកម្មាធិការជាតិអូឡាំពិកកម្ពុជា លោកបឹង គឹមតោប្រធានស្ដីទីនាយកដ្ឋានអប់រំកាយ និង កីឡា អ្នកស្រីញ៉ែម មរកតដែលជាប្រធានសហព័ន្ធកីឡារាំកម្ពុជាបានអញ្ជើញទៅស្វាគមន៍ចំពោះ
ដំណើរមកដល់នៃក្រុមកីឡារាំកម្ពុជាដល់ចំណតអាកាសយានដ្ឋានអន្តរជាតិភ្នំពេញ ។
កីឡាការិនីរាំកម្ពុជានឹងធ្វើដំណើរមកដល់ជាតិមាតុភូមិវិញដោយនាំយកនូវមេដាយចំនួន៦គ្រឿងរួមមានមេដាយមាស១គ្រឿង ប្រាក់១គ្រឿង និង សំរឹទ្ធ៤គ្រឿង ។
សម្រាប់ស៊ីហ្គេមនាឆ្នាំក្រោយនេះសហព័ន្ធកីឡារាំនឹងបង្កើនការហ្វឹកហាត់ឲ្យកាន់តែខ្លាំង ។សព្វថ្ងៃនេះកីឡារាំកម្ពុជានៅស្ទើរកម្លាំង និងបច្ចេកទេសខ្លះៗ ។ហេតុនេះអ្វីៗត្រូវតែបង្កើនការហ្វឹកហាត់ទាំងបច្ចេកទេស និង កម្លាំង
សព្វថ្ងៃនេះក្នុងមួយថ្ងៃកីឡាករ-កីឡាការិនីរាំហ្វឹកហាត់មួយថ្ងៃពី៦ ទៅ៨ម៉ោង ។ពួកគេហ្វឹកហាត់ជាមួយគ្រូបរទេសនិង គ្រូខ្មែរដែលមានជំនាញ និង បទពិសោធន៍ខ្ពស់ៗ ។
អ្នកស្រីហង់ ស៊ីមនដែលជាអគ្គលេខាធិការសហព័ន្ធកីឡារាំកម្ពុជា ទទួលស្គាល់ថាការហ្វឹកហាត់គឺនៅក្នុងស្រុក មែនតែពួកគេហាត់ជាមួយគ្រូបរទេស ហេតុនេះសមត្ថភាពរបស់ពួកគេមិនចាញ់អ្នកហ្វឹកហាត់នៅក្រៅប្រទេសនោះទេ ។ សូមបញ្ជាក់ថានេះជាលើកដំបួងហើយដែល កីឡារាំកម្ពុជាដណ្ដើមបានមេដាយពី ការប្រកួតកម្រិតអាស៊ីបែបនេះ ទោះបីការចេញទៅប្រកួតលើកនេះ មានតែកីឡាករមួយរូប និង កីឡាការិនីមួយរូបជាអ្នកមានបទពិសោធន៍ខ្ពស់ ឯ ៧រូបទៀតជាកីឡាករ-កីឡាការិនីថ្មីក៏ពិតមែន ។
