ទូក ង វែងជាងគេលើពិភពលោក ឈ្មោះ “កម្ពោជិកបុត្តាខេមរាតរី” ធ្វើរួចរាល់ហើយ

លោកស សុខា រដ្ឋលេខាធិការក្រសួងអប់រំ យុវជននិងកីឡា ១៨ កញ្ញា ២០១៨ បានឲ្យដឹងថា ក្នុងនាមគណៈកម្មការផលិតទូក ង ដើម្បីត្រៀមបំបែកឯតទគ្គកម្មពិភពលោក សូមបញ្ជាក់ថា កម្មវិធីផលិតទូក ង វែងជាងគេលើពិភពលោក បានឈានដល់ទីបញ្ចប់ ដោយទូកកំពុងស្ថិតនៅក្នុងដំណាក់កាលអុំសាកល្បង តុបតែង និងបាញ់ពណ៌ មុននឹងដាក់ជូន ក្រុមការងារ Guinness World Records ពិនិត្យ និងវាយតំលៃ នៅអំឡុងខែវិច្ឆិកា ឆ្នាំ២០១៨ ខាងមុខនេះហើយ។

សូមពុកម៉ែ បងប្អូន យុវជន យុវនារី ត្រៀមចូលរួមគាំទ្រ និងអបអរសាទរ កម្មវិធីបំបែកឯតទគ្គកម្មពិភពលោក នៃទូក ង វែងជាងគេលើពិភពលោក របស់ខ្មែរយើងទាំងអស់គ្នា នាពេលឆាប់ៗខាងមុខនេះ កុំបីខានឡើយ៕