លោក Zelenskyy ថ្លែងអំពីការបាត់បង់ជីវិតមនុស្ស នៃការប្រយុទ្ធនៅតំបន់ Donbas
Donbas ៖ ប្រធានាធិបតីអ៊ុយក្រែនលោក Volodymyr Zelenskyy កាលពីថ្ងៃអាទិត្យបានថ្លែងលើកឡើង អំពីការបាត់បង់ជីវិតមនុស្សនៃការប្រយុទ្ធដែលកំពុងឆាបឆេះនៅភាគខាងកើតប្រទេសរបស់លោក។
លោកបាននិយាយក្នុងសន្និសីទសារព័ត៌មានជាមួយប្រធានាធិបតីប៉ូឡូញលោក Andrzej Duda ថា បច្ចុប្បន្នមនុស្សពី 50 ទៅ 100នាក់អាចស្លាប់នៅភាគខាងកើតនៃរដ្ឋរបស់យើង។
មេដឹកនាំប៉ូឡូញបានធ្វើដំណើរទៅកាន់ទីក្រុង Kyiv ដើម្បីគាំទ្របំណងប្រាថ្នាចូលជាសមាជិកសហភាពអឺរ៉ុបរបស់អ៊ុយក្រែន ដោយក្លាយជាមេដឹកនាំបរទេសដំបូងគេដែលថ្លែងទៅកាន់សភាប្រទេសនេះ ចាប់តាំងពីការចាប់ផ្តើមសង្រ្គាមរបស់រុស្ស៊ី។
រុស្ស៊ីបានបើកការវាយប្រហារដោយកាំភ្លើងធំ និងមីស៊ីលនៅក្នុងតំបន់ Donbas ដោយស្វែងរកការពង្រីកដែនដីដែលក្រុមផ្តាច់ខ្លួនគាំទ្រដោយទីក្រុងម៉ូស្គូចាប់តាំងពីឆ្នាំ2014៕
