ចាន់ ប៊ុនលាបជួបឈូក ឆៃនៅសង្វៀនTV5
ភ្នំពេញ:នៅថ្ងៃទី២២កញ្ញាខាងមុខនេះការប្រកួតវគ្គពាក់កណ្ដាលផ្ដាច់ព្រ័ត្រនៃព្រឹត្តិការណ៍TV5 Boxing Knock-Out Serie by K-Cement នឹងត្រូវសម្រាកមួយសប្ដាហ៍ ដើម្បីឲ្យអ្នកប្រដាល់សម្រួល កម្លាំងសម្រាប់ប្រកួតវគ្គពាក់ពាក់កណ្ដាលផ្ដាច់ព្រ័ត្រ ។
ជាមួយនឹងការសម្រាកនេះអ្នកប្រដាល់កម្ពុជាចាន់ ប៊ុនលាប ក្លិបថ្មគោលខ័ណ្ឌពោធិ៍សែនជ័យ ប្រកាសឡើងសង្វៀនប្រកួតជាមួយ អ្នកប្រដាល់ថៃឈូក ឆៃ(Chhouk Chhai)ដោយប្រកួតគ្នាក្នុង ប្រភេទទម្ងន់៦៣,៥០គីឡូក្រាម។ នេះជាលើកដំបូងហើយ ដែលអ្នកប្រដាល់ទាំង២រូបនេះ ជួបគ្នាព្រោះឈូក ឆៃជាអ្នកប្រដាល់មួយរូបដែលលំបាកក្នុង ការបង្ក្រាបណាស់ ។
នៅកម្ពុជាឈូក ឆៃធ្លាប់ឈ្នះឡុង សុភីក្លិបសាលវ័ន្ដកីឡា តែធ្លាប់ភ្លាត់ស្នៀតសន្លប់ ដោយសារកែងមឿន សុខ ហ៊ុចនៅទឹកទី៣ម្ដងដែរ ក្រៅពីនោះពុំធ្លាប់មាននរណាឈ្នះគេឡើយ ។អ្នកប្រដាល់រូបនេះ ជង្គង់របស់គេល្អណាស់ហើយ គេវ៉ៃចេញបានគ្រប់ស្ថានភាពជំហរទៀតផង ។
ចាន់ ប៊ុនលាបក៏មិនមែនជា អ្នកប្រដាល់ដែលខ្សោយដែរ ។គេចូលចិត្តវាយប្រហារជើងក្រោមគូប្រកួត និង ចូលចិត្តប្រើកែង ដើម្បីវាយប្រហារគូប្រកួតដែរ ។ ចាំមើលជំនួបមួយនេះនរណាឈ្នះ ? ៕