រដ្ឋបាលខណ្ឌឫស្សីកែវ បើកការដ្ឋានស្ថាបនាផ្លូវ បេតុង២ខ្សែ និងប្រព័ន្ធលូ១ខ្សែ ជូនប្រជាពលរដ្ឋនៅសង្កាត់ឫស្សីកែវ

ភ្នំពេញ៖នៅព្រឹកថ្ងៃទី៣០ឧសភា២០២២នៅសង្កាត់ឫស្សីកែវ បានបើកការដ្ឋាន ស្ថាបនាដែលជាគម្រោងមូលនិធិអភិវឌ្ឍន៍របស់រដ្ឋបាលសង្កាត់ ឆ្នាំ2022 ក្រោមអធិបតីភាព លោក ឯក ឃុនដឿន អភិបាលខណ្ឌឫស្សីកែវ ដោយមានការចូលរួមពី លោក វ៉ាន់ ខន មន្រ្តីបច្ចេកទេសរាជធានីភ្នំពេញ លោក-លោកស្រីប្រធាន-អនុប្រធាន និងមន្ត្រីការិយាល័យផែនការ និងហិរញ្ញវត្ថុខណ្ឌ លោក-លោកស្រីចៅសង្កាត់-ចៅសង្កាត់រង ក្រុមប្រឹក្សាសង្កាត់ ស្មៀន មេភូមិ និងក្រុមហ៊ុនម៉ៅការ ព្រមទាំងប្រជាពលរដ្ឋ សរុបចំនួន១២០នាក់។

ការដ្ឋានដែលបើកឲ្យដំណើរការមាន ០៣ គម្រោង1-ផ្លូវបេតុងអាមេ ប្រវែង ៣១៤ម×៩ម×០.១៥ម នៅភូមិឃ្លាំងសាំង
2-ជួសជុលផ្លូវបេតុងគ្មានសរសៃដេក ប្រវែង ៦៦.៥ម×២.៧៦ម×០,១២ម នៅភូមិមិត្តភាព
3-ដាក់លូ ប្រវែង ១២៨ម×០.៥០ម នៅភូមិមិត្តភាព សរុបរួមអស់ថវិកា ២៤១,៨៧០,៦០០ រៀល ៕