នគរបាលកាណាដា បាញ់សម្លាប់បុរសចំនួន ០២នាក់ និងមានមន្ត្រីចំនួន ០៦នាក់បានរងរបួស ក្នុងអំឡុងពេលការបាញ់ប្រហារ ដោយកាំភ្លើង នៅឯធនាគារមួយ ក្នុងទីក្រុង British Columbia
បរទេស ៖កាលពីថ្ងៃអង្គារ នគរបាលកាណាដាបានបាញ់សម្លាប់បុរសចំនួន ០២នាក់ និងមានមន្ត្រីចំនួន ០៦នាក់បានរងរបួសក្នុងអំឡុងពេលការបាញ់ប្រហារដោយកាំភ្លើងមួយ នៅឯធនាគារមួយក្នុងទីក្រុង British Columbia ហើយប្រជាជនដែលមានលំនៅដ្ឋាន ក្បែរនោះត្រូវបានជម្លៀសចេញបន្ទាប់ពីការរកឃើញគ្រឿងបំផ្ទុះដែលអាចកើតមាន។
មន្ត្រីនគរបាលបាននិយាយថា សមាជិកក្រុមឆ្លើយតបសង្គ្រោះបន្ទាន់បានមកដល់កន្លែងកើតហេតុនៅឯធនាគារ Montreal ក្នុងតំបន់ Saanich នៅលើកោះ Vancouver ជិតព្រំដែនជាមួយរដ្ឋ Washington របស់សហរដ្ឋអាមេរិកនៅម៉ោងប្រហែល ១១ ព្រឹក។
នគរបាល Saanich បាននិយាយនៅលើគេហទំព័ររបស់ពួកគេថា “ នគរបាលនេះនៅតែដោះស្រាយឧប្បត្តិហេតុនេះ ដោយមានវត្តមាននគរបាលដ៏ច្រើននៅក្នុងតំបន់” ។
“ប្រជាជននៅលំនៅដ្ឋាន និងអាជីវកម្មដែលនៅជិតកន្លែងកើតហេតុ ត្រូវបានជម្លៀសចេញ ដោយសារតែមានគ្រឿងបំផ្ទុះដែលមានកម្លាំងខ្លាំងនៅក្នុងរថយន្តដែលជាប់ពាក់ព័ន្ធជាមួយជនសង្ស័យ” ៕
