នឹងរៀបចំការប្រកួតកីឡា ស្នូកឃ័រពាន់រង្វាន់ king Snooker Cup 2022

ភ្នំពេញ៖ថ្ងៃទី២៧ ខែកក្កដា ឆ្នាំ២០២២ លោក ម៉ារ៉ា សុជាតិ អគ្គលេខាធិការនៃសហព័ន្ធកីឡាប៊ីយ៉ា និងស្នូកឃ័រកម្ពុជា លោក ហ៊ុល សារ៉ាវុធ ម្ចាស់ក្លិបកីឡាស្នូកយ័រ KING SNOOKER SPORT CLUB កីឡាករ ម៉ែន សុផានិត និងកីឡាករ សួន ឆាយបានធ្វើសន្និសីទកាសែតស្ដីអំពីរៀបចំព្រឹត្តិការណ៍ការប្រកួតកីឡាស្នូកឃ័រពាន់រង្វាន់ king Snooker Cup 2022 នៅក្លិបកីឡាស្នូកយ័រ KING SNOOKER SPORT CLUB។

លោកម៉ារ៉ាសុជាតិបាននិយាយឲ្យដឹងថាទោះបីការឆ្លងCOVOD-19បានថមថយនៅ
កម្ពុជាយើងដោយការទទួលបានវ៉ាក់សាំងការពារភាគច្រើនក៏ដោយសម្រាប់វិស័យកីឡាហាក់នៅមិនទាន់មានសកម្មភាពខ្លាំងនៅឡើយដោយយើងកំពុងតែប្រឹងប្រែងរៀបចំបង្កើតសកម្ម
ភាពប្រកួតផ្សេងៗ ទាំងថ្នាក់ជាតិ និងអន្តរជាតិ ស្របពេលដែលកម្ពុជាយើងធ្វើជាម្ចាស់ផ្ទះ SEA GAMES២០២៣ក្នុងនោះក៏មានកីឡាប៊ីយ៉ានិងស្នូកយ័រជាវិញ្ញាសាកីឡាបានចូលរួមក្នុងព្រឹត្តិការណ៍ដ៏ធំនេះដែរ។

ហើយមុនទៅដល់ SEA GAMES ២០២៣ខាងមុខ ក្រសួងអប់រំយុវជន និងកីឡាក៏កំពុងបាននឹងរៀបចំព្រឹត្តិការណ៍កីឡាជាតិនៅខែវិច្ឆិកាឆ្នាំ២០២២នេះដែរដោយ
សហព័ន្ធកីឡាប៊ីយ៉ា និងស្នូកឃ័រកម្ពុជាក៏បានត្រៀម៦វីញ្ញាសា សម្រាប់ចូលរួម។

លោកបានបន្តថា ការប្រកួតការប្រកួតកីឡាស្នូកឃ័រពាន់រង្វាន់ king Snooker Cup 2022 នេះធ្វើឡើងដើម្បីសម្រិតសម្រាំងធនធានកីឡាករស្នូកឃ័រសម្រាប់ពេលខាងមុខដែលជាផែនការមេរបស់ប្រធានសហព័ន្ធ។

លោកជុំ កុសលដែលជាប្រធានសហព័ន្ធបានណែនាំនិងដាក់ផែនការបង្កើតការប្រ
កួតឲ្យបានច្រើនបំផុតតាមអាចធ្វើទៅបានក្នុងការត្រៀមលក្ខណៈដ៏គាប់ប្រសើរមួយសម្រាប់ការចូលរួមក្នុងព្រឹត្តិការណ៍ទាំងអស់ទើបថ្ងៃនេះសហព័ន្ធនឹងប្រកួតដើម្បីជ្រើសរើសកីឡាករដោយឆ្លងកាត់ការប្រកួតមួយក្នុងវិញ្ញាសាស្នូកយ័របុរស គឺកម្មវិធីប្រកួតកីឡាស្នូឃ័រឃីង ដោយSNOOKER CUP រួមសហការ ជាមួយក្លឹបកីឡាស្នូកយ័រ KING SNOOKER SPORT CLUB។

លោកអគ្គលេខាធិការបានបន្តថា ការប្រកួតនឹងចាប់ផ្ដើមបើកនៅថ្ងៃទី៨ ខែសីហា ឆ្នាំ២០២២ ខាងមុខ និងចាប់ទទួលពាក្យចូលរួមប្រកួតពីយុវជនគ្រប់ស្រទាប់វណ្ណៈ និងគ្រប់ទិសទីទូទាំងប្រទេសកម្ពុជា ចាប់ពីថ្ងៃទី២៨ ខែក ក្កដា ឆ្នាំ២០២២ រហូតដល់ថ្ងៃទី០៥ ខែសីហា ឆ្នាំ២០២២។
ការប្រកួតនេះដែរយើងក៏មានរៀបចំជាពានរង្វាន់និងប្រាក់រង្វាន់ដល់កីឡាករដែលមានចំណាត់ថ្នាក់ពីលេខ១ដល់លេខ៣និងរង្វាន់លើកទឹកចិត្តផ្សេងៗដល់កីឡាករដែលមានទេពកោសល្យ។

ការប្រកួតមានគណៈកម្មការ និងអជ្ញារកណ្ដាលរៀបចំដោយសហព័ន្ធ និងក្លិប ហើយបទ បញ្ជា និងច្បាប់ការប្រកួតគឺយកតាមសហព័ន្ធជាតិ និងសហព័ន្ធអាស៊ី។ ជាមួយគ្នានឹងការធ្វើសន្នីទកាសែតនេះក៏មានការប្រកួតមិត្តភាពគូពិសេសជើងខ្លាំងធ្លាប់ចូល
រួមប្រកួតព្រឹត្តិការណ៍ SEA GAMES លើកទី៣១ នៅប្រទេសវៀតណាម គឺកីឡាករ ម៉ែន សុផានិត និងកីឡាករ សួន ឆាយ ដើម្បីបង្ហាញ បច្ចេកទេស និងចែករម្លែកបទពិសោធន៍ ក៏ដូចជាបើកទទួលពាក្យចូលរួមប្រកួតទៀតផង៕