អភិបាលខណ្ឌកំបូល ចុះពិនិត្យស្ថានភាពទឹកភ្លៀង លូ ប្រឡាយ ដើម្បីចាត់វិធានការដោះស្រាយ រំដោះទឹកលិចស្រែប្រជាពលរដ្ឋ នៅសង្កាត់ស្នោរ និងសង្កាត់ឪឡោក

ភ្នំពេញ៖ នៅព្រឹកថ្ងៃទី០១ ខែសីហា ឆ្នាំ២០២២ លោក ឃឹម ស៊ុនសូដា អភិបាលខណ្ឌកំបូល និងលោក សេង គន្ធ អភិបាលរងខណ្ឌ បានដឹកនាំក្រុមការងារ ចុះពិនិត្យស្ថានភាពទឹកភ្លៀង លូ ប្រឡាយ ដើម្បីចាត់វិធានការដោះស្រាយរំដោះទឹកលិចស្រែប្រជាពលរដ្ឋ នៅក្នុងភូមិសាស្រ្ត សង្កាត់ស្នោរ និងសង្កាត់ឪឡោក ខណ្ឌកំបូល រាជធានីភ្នំពេញ ។

ការចុះពិនិត្យខាងលើើនេះគឺបន្ទាប់ពីទទួលបាននូវសំណូមពរតាមរយៈលោក លោកស្រីប្រធានភូមិ និងថ្នាក់ដឹកនាំសង្កាត់ឪឡោកក្នុងកិច្ចប្រជុំ កាលពីសប្តាហ៍មុន៕