គិតត្រឹមពេលនេះ កីឡាជនពិការកម្ពុជាដណ្ដើម បានមេដាយ២៣គ្រឿងហើយ

ភ្នំពេញ៖គិតត្រឹមព្រឹកថ្ងៃទី០៥ខែសីហាឆ្នាំ២០២២អត្តពលិកជនពិការកម្ពុជាដណ្តើម
បានមេដាយសរុប២៣គ្រឿង មាស៦ ប្រាក់៨ និងសំរឹទ្ធ៩គ្រឿង ។

ពេលនេះកម្ពុជានៅសល់៣ប្រភេទកីឡាទៀតដែលត្រូវបន្តការប្រកួត គឺកីឡាហលទឹក ៣វិញ្ញាសាកីឡាលើកទម្ងន់និងបាល់បោះជិះរទេះនារីវិញ្ញាសា៥ទល់៥នឹងត្រូវប្រកួតដណ្តើមមេដាយមាស ជាមួយក្រុមកីឡាការិនីថៃ នៅថ្ងៃទី៥នេះ ម៉ោង១១:០០ ថ្ងៃត្រង់នេះ ។

សម្រាប់ប្រភេទកីឡាដែលនៅសល់នេះយ៉ាងហោចណាស់ក៏ទទួលបានត្រឹមមេដាយប្រាក់មួយគ្រឿងនិងមេដាយសំរិទ្ធខ្លះទៀតដែរ។សម្រាប់បាល់បោះជិះតទេះនារី៥ទល់៥ផ្ដាច់ព្រ័ត្រជាមួយថៃបើកម្ពុជាឈ្នះនឹងបានមេដាយមាស ។
ប្រធានក្រុមកីឡាករបាល់ទះអង្គុយជនពិការកម្ពុជាសូមជូនមេដាយមាសដល់ប្រជាជនកម្ពុជាទាំងអស់ បន្ទាប់ពីបានយកឈ្នះក្រុមថៃដោយលទ្ធផល ៣សិត១ នៅវគ្គផ្តាច់ព្រ័ត្រ កាលពីម្សិលមិញ នៅព្រឹត្តិការណ៍អាស៊ានប៉ារ៉ាហ្គេម លើកទី១១ ឆ្នាំ២០២២ នៅទីក្រុងសូឡូ ប្រទេសឥណ្ឌូនេស៊ី។
សម្រាប់ក្រុមកីឡាករបាល់ទះអង្គុយជនពិការកម្ពុជាដែលដណ្ដើមបានមេដាយមាសពីម្សិល
ម៉ិញនោះបន្ទាប់ពីឈ្នះថៃ៣សិតទល់១សិតកីឡាករអ៊ូផល្លាប្រធានក្រុមកីឡាករបាល់ទះអង្គុយ បាននិយាយ«ខ្ញុំមានអារម្មណ៍រំភើបខ្លាំងណាស់។ តាំងពីខ្ញុំចេះលេងកីឡា១០ទៅ២០ឆ្នាំមក ថ្ងៃនេះគឺជាពេលវេលារំភើបរីករាយបំផុតដែលទទួលបានមេដាយមាស។ខ្ញុំសូមអរគុណប្រជាជនកម្ពុជាដែលបានគាំទ្រកីឡាបាល់ទះអង្គុយពួកយើងនៅថ្ងៃនេះ។ពួកយើងអាចធ្វើបានជូនជាតិកម្ពុជា»។
បន្ទាប់ពីឈ្នះ២សិតដំបូងក្រុមកីឡាករបាល់ទះអង្គុយថៃបានវាយបកយកឈ្នះនៅសិតទី៣ដែលធ្វើឲ្យការប្រកួតបន្តទៅសិតទី៤។ ពាក់ព័ន្ធនឹងបរាជ័យនៅក្នុងសិតទី៣នេះ កីឡាករ អ៊ូផល្លាបានប្រាប់ថា៖«ពេលខ្លះយើងបែកអារម្មណ៍លេងមិនស៊ីសង្វាក់គ្នាធ្វើឲ្យល្បែងដំណើរ
ការមិនល្អធ្វើឲ្យចាញ់សិតទី៣។សិតទី៤យើងបានសហការគ្នាល្អហើយយើងបានតាំងចិត្តទាំងអស់គ្នាថា ធ្វើយ៉ាងណាឲ្យឈ្នះសិតទី៤។ ទីបំផុតយើងធ្វើបាន យកបានមេដាយមាសជាតិ»។
«កត្តាសំខាន់ដែលធ្វើឲ្យក្រុមកម្ពុជាយើងឈ្នះគឺបិទជើងក្រោមល្អ។ អ្វីដែលសំខាន់គឺសាមគ្គីគ្នា និងការប្តេជ្ញាចិត្ត»។មេដាយមាសនេះពិតជាមានន័យណាស់សម្រាប់ខ្ញុំ។ខ្ញុំសូមជូនមេដាយមាសនេះដល់ប្រជាជនកម្ពុជាទាំងអស់ និងក្រុមគ្រួសាររបស់ខ្ញុំ»។
សូមបញ្ជាក់ថាកម្ពុជាធ្លាប់ឈ្នះមេដាយប្រាក់ពីរដងក្នុងអាស៊ានប៉ារ៉ាហ្គេមកាលពីឆ្នាំ
២០១៣និងឆ្នាំ២០១៧។ឆ្នាំ២០២២គឺជាលើកដំបូងហើយដែលបាល់ទះអង្គុយកម្ពុជាបានមេ
ដាយមាស៕