តេក្វាន់ដូWT និងប៉េតង់កម្ពុជាបន្តឈ្នះមេដាយមាស និងប្រាក់ នៃការប្រកួតកីឡាសាកលវិទ្យាល័យអាស៊ាន

ភ្នំពេញ៖ថ្ងៃទី៥ខែសីហាឆ្នាំ២០២២ម្សិលម៉ិញនេះប្រភេទកីឡាតេក្វាន់ដូWT(World Taekwondo) និងកីឡាប៉េតង់បន្តឈ្នះមេដាយមាស១ គ្រឿង និងមេដាយប្រាក់២គ្រឿងបន្ថែមទៀតជូនកម្ពុជានៅក្នុងព្រឹត្តិការណ៍ការប្រកួតកីឡាសាកលវិទ្យាល័យអាស៊ានលើកទី២០ (20th ASEAN University GAMES) នៅប្រទេសថៃ។
ជាមួយនឹងការប្រជែងបានមេដាយបន្ថែមនេះធ្វើកម្ពុជាទទួលបានមេដាយសរុបចំនួន
១៧គ្រឿងជាបណ្ដោះអាសន្នហើយ។

មន្ត្រីទទួលបន្ទុកព័ត៌លោក មាស សារ៉េត មានបានប្រាប់ឲ្យដឹងពីប្រទេសថៃថា ប្រកួតកីឡានិស្សិតសាកលវិទ្យាល័យលើកទី២០ នៅខេត្តអូប៊ុន ប្រទេសថៃសម្រាប់ថ្ងៃទី៥ ខែសីហាឆ្នាំ២០២២ក្រុមកីឡាកម្ពុជាទទួលបានមេដាយមាស១គ្រឿងនិងមេដាយប្រាក់២
គ្រឿងថែមទៀតគឺប្រភេទកីឡាប៉េតង់វិញ្ញាសា៣នាក់ទល់៣នាក់បុរសឈ្នះមេដាយមាសដែលមានកីឡាករ ស៊ីន វង់ កីឡាករ ឃួន លីហ័រ កីឡាករ ភាព វ៉ាឃីម និងកីឡាករ អំ ពិសិដ្ឋ(កីឡាករបម្រុងមួយរូប) ។
លោកបានបន្តថាវិញ្ញសា៣នាក់ទល់៣នាក់នារីទទួលបានមេដាយប្រាក់គឺកីឡាការិនីស៊្រាង សុរ៉ាឃីមកីឡារិនី ឃួន យ៉ារី កីឡាការិនី ហៀង វិជ្ជនី និងកីឡាការិនី ផាត វិច្ឆិកា
(កីឡាការិនីបម្រុងមួយរូប)។ចំណែកប្រភេទកីឡាតេក្វាន់ដូវិញ្ញាសាប្រយុទ្ធនារីប្រភេទទម្ងន់៥៧គីឡូក្រោមកីឡាការិនី ស្រួយ បូរីទទួលបាន មេដាយប្រាក់ ។

ការប្រកួតនេះសហព័ន្ធកីឡាសិស្សនិស្សិតកម្ពុជាបានបញ្ជូន៥ប្រភេទកីឡារួមមានកីឡាប៉េតង់ គ្រូបង្វឹក២ រូប កីឡាករ ៦ រូប និងកីឡាការិនី ៦ រូប សរុបចំនួន ១៤ រូប តេក្វាន់ដូ WT ។
ការប្រកួតខាងលើនេះក្រោមការដឹកនាំដោយលោកសសុខារដ្ឋលេខាធិការក្រសួងអប់រំយុវជន និងកីឡា និងជា ប្រធានសហព័ន្ធកីឡាសិស្សនិស្សិតកម្ពុជា៕