ផ្ទុះអាវុធរវាងសមត្ថកិច្ច និងជនសង្ស័យជួញដូរគ្រឿងញៀនប្រមាណ ១០គ្រាប់ បណ្តាលឲ្យជនសង្ស័យម្នាក់បានស្លា.ប់

ភ្នំពេញ៖ ហេតុការណ៍ផ្ទុះអាវុធរវាងសមត្ថកិច្ច និងជនសង្ស័យជួញដូរគ្រឿងញៀនប្រមាណ ១០គ្រាប់ បណ្តាលឲ្យមានអ្នកស្លាប់ និងរបួសម្នាក់ ព្រមទាំងចាប់ខ្លួនជនសង្ស័យមួយចំនួនផងដែរ។

ហេតុការណ៍នេះ កើតឡើងនៅវេលាម៉ោងប្រមាណ ៩ព្រឹកថ្ងៃទី ៣១ ខែសីហា ឆ្នាំ២០២២ ចំណុចផ្លូវចូលកំពង់ដស្វាយជ្រុំ តាមបណ្តោយផ្លូវកែវចិន្តា ស្ថិតក្នុងភូមិទី៣ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។

សមត្ថកិច្ចមូលដ្ឋានបានឲ្យដឹងថា មានករណីផ្ទុះអាវុធរវាងសមត្ថកិច្ច និងជនសង្ស័យជួញដូរគ្រឿងញៀនប្រមាណ ១០គ្រាប់ បណ្តាលឲ្យជនសង្ស័យម្នាក់បានស្លា.ប់ បាត់បង់ជីវិតម្នាក់ទៀតរងរបួស និងជនសង្ស័យ២នាក់ផ្សេងទៀតត្រូវបានចាប់ឃាត់ខ្លួន។

ចំណែករថយន្តស៊េរីទំនើបមួយគ្រឿង ម៉ាកហ្វដ ពណ៌ស ត្រូវបានសមត្ថកិច្ចបា.ញ់ ធ្លុះធ្លាយខ្ទេច ដោយសារជនសង្ស័យបា.ញ់តដៃជាមួយសមត្ថកិច្ច ។ ជុំវិញការផ្ទុះអាវុធនេះ បានបណ្តាលឱ្យប្រជាពលរដ្ឋចំនួន ៣នាក់ដែលនៅក្បែរកន្លែងកើតហេតុ បានរងរបួសផងដែរ។

សមត្ថកិច្ចកំពុងដំណើរការនីតិវិធី ស្រាវជ្រាវ ស៊ើបអង្កេតបន្ត រកជនសង្ស័យដែរពាក់ព័ន្ធ៕