បង្ក្រាបក្រុមជួញដូរគ្រឿងញៀន បណ្តាលឱ្យជនសង្ស័យ ស្លាប់ម្នាក់ និងរងរបួសម្នាក់ និងចាប់ខ្លួនបានពីរនាក់

ភ្នំពេញ៖ ផ្ទុះអាវុធរវាង ក្រុមជួញដូរគ្រឿងញៀន ជាមួយនឹងសមត្ថកិច្ចជំនាញនេះ បានបង្កឱ្យមានការភ្ញាក់ផ្អើល នា ថ្ងៃទី៣១ ខែសីហា ឆ្នាំ២០២២ ក្បែរកំពង់ចម្លងស្វាយជ្រុំ ស្ថិតក្នុងក្រុម៨ ភូមិ៣ សង្កាត់ជ្រោយចង្វារ ខណ្ឌជ្រោយចង្វារ ។

ពេលនោះ សមត្ថកិច្ចប្រឆាំងគ្រឿងញៀន ក៏បានបាញ់តបតទៅវិញ ដើម្បីការពារខ្លួន បណ្តាលឱ្យជនសង្ស័យស្លាប់ម្នាក់ និងរងរបួសម្នាក់ និងចាប់ខ្លួនបានពីរនាក់ ។

ជនសង្ស័យចំនួន បួននាក់ (ជនជាតិថៃ) រួមមានៈ ១.ឈ្មោះ នំ ម៉ាឡាគុណ (ចាប់ខ្លួន) ភេទប្រុស អាយុ ៣៤ ឆ្នាំ , ២.ឈ្មោះ សែប សុីសែនសុ៑ក (ចាប់ខ្លួន) ភេទប្រុស អាយុ ២៥ ឆ្នាំ , ៣.ឈ្មោះ ជេម (ស្លាប់) ភេទប្រុស អាយុប្រហែល ២៨ ឆ្នាំ និង ៤.ឈ្មោះ ណាកូ (របួស)ភេទប្រុស អាយុប្រហែល ៤៤ ឆ្នាំ ។

ប្រតិបត្តិការនេះ សមត្ថកិច្ច បានដកហូតគ្រឿងញៀន DMA ក្រាម ពណ៌ត្នោត ចំនួន ៣០ ដុំ និងគ្រឿងញៀន កេតាមីន ចំនួន ១២ ដុំ និងរថយន្ត ពីរគ្រឿង (១.រថយន្តម៉ាក MC ពណ៌ក្រហម ពាក់ស្លាកលេខ ភ្នំពេញ 2BL 7217 និង២.រថយន្តម៉ាក ហ្វ៑ត ពាក់ស្លាកលេខ ភ្នំពេញ 2BO 0123) (តាមការពិនិត្យ របស់នគរបាលបច្ចេកទេស) ព្រមទាំងវត្ថុតាងមួយចំនួនផ្សេងទៀត។
ជនសង្ស័យ និងវត្ថុតាងនេះ ត្រូវបានបញ្ជូនទៅមន្ទីរប្រឆាំងគ្រឿងញៀន (ក៥) នៃអគ្គស្នងការនគរបាលជាតិ ៕