ថ្នាក់ដឹកនាំខណ្ឌ៧មករា ចុះជួបសំណេះសំណាល ជាមួយថ្នាក់ដឹកនាំសង្កាត់ និងមន្រ្តីសង្កាត់ក្នុងមូលដ្ឋាន

ភ្នំពេញ៖ នៅព្រឹកថ្ងៃទី០១ខែកញ្ញាឆ្នាំ២០២២នេះ លោក​ ថេង​ សុថុល​ អភិបាលខណ្ឌ៧មករា​ អមដំណេីរដោយអស់លោកជាអភិបាលរងខណ្ឌ៧មករា​ ដោយបានចុះជួបសំណេះសំណាល​ សាកសួរសុខទុក្ខ​ និង ពិភាក្សាការងារមួយចំនួនជាមួយថ្នាក់ដឹកនាំសង្កាត់​ .មន្ត្រីសង្កាត់​ និងអស់លោក​ .លោកស្រីជាមេភូមិ​ នៅសង្កាត់អូរឬស្សីទី១​,​ អូរឬស្សីទី៤,​ មនោរម្យ,​ និងអូរឬស្សីទី៣។

ក្នុងជំនួបពិភាក្សាការងារនាឱកាសនោះលោកអភិបាលខណ្ឌ៧មករាថេង សុថុល បានពាំនាំនូវប្រសាសន៍ផ្ដាំផ្ញើការសាកសួរសុខទុក្ខ​ដោយយកចិត្តទុកដាក់ពីសំណាក់ថ្នាក់ដឹកនាំជូនចំពោះបងប្អូនមន្ត្រីក្នុងមូលដ្ឋានទាំងអស់ព្រមទាំងបានលេីកទឹកចិត្តដល់ថ្នាក់ដឹកនាំតាមបណ្ដាសង្កាត់ទាំងអស់អោយបន្តខិតខំអនុវត្តន៍ការងារបន្ថែមទៀតដោយឈរលេីស្មារតីសាមគ្គីឯកភាពផ្ទៃក្នុងអោយបានល្អប្រសើរនិងចេះជួយទុក្ខធុរៈគ្នាគោរពស្រឡាញ់គ្នាដូចបងដូចប្អូនបង្កើតក្នុងក្រុមគ្រួសារតែមួយអោយដូចពាក្បចាស់លោកធ្លាប់ពោលថានៅផ្ទះគឺម្ដាយទីទៃដល់មកព្រៃគឺម្ដាយតែមួយ៕