ការ៉ាតេកម្ពុជាដណ្តើម បានមេដាយចំនួន ៧ គ្រឿង ពីព្រឹត្តិការណ៍ Thailand Karate Open 2022
ភ្នំពេញ៖ក្រុមកីឡាករ កីឡាការិនីការ៉ាតេកម្ពុជាដណ្តើមបានមេដាយចំនួន ៧ គ្រឿងពីព្រឹត្តិការណ៍នៃការប្រកួតកីឡាការ៉ាតេ Thailand Karate Open 2022 នៅប្រទេសថៃ។
នេះជាកាវាស់ស្ទង់និងធ្វើតេស្តិ៍សមត្ថភាពបច្ចេកទេសកីឡាករ និងកីឡាការិនីក្នុងដំ
ណើរឈានឆ្ពោះទៅការប្រកួតកីឡាSEA GAMES 2023លើកទី៣២ឆ្នាំ២០២៣ដែលកម្ពុជា
ទទួលរៀបចំជាម្ចាស់ផ្ទះ។
មេដាយចំនួន ៧ គ្រឿងដែលកម្ពុជាទទួលបានរួមានមេដាយប្រាក់ ៣ គ្រឿង និងមេដាយ សំរឹទ្ធ ៤ គ្រឿង។ មេដាយប្រាក់លើវិញ្ញាសាឯកត្តជនបានទៅលើកីឡាករ ងួន សុខក្រៃលែង កីឡាករ ស្រៀង វិរៈ និងកីឡាការិនី ឆន ស្រីភា រីឯមេដាយសំរឹទ្ធលើវិញ្ញាសាឯកត្តជនបានទៅលើ កីឡាការិនី សំណាង ឧត្តរ៉ា កីឡាករ ជ្រុន វិរៈបុត្រ និងកីឡាករ ប៊ិន ម៉េងលី
ចមពោះមេដាយ សំរឹទ្ធ (ជាក្រុម)បានទៅលើ កីឡាការិនី ឆន ស្រីភា កីឡាការិនី វ៉ាន់ ចរិយា កីឡាការិនី លឹម សុខវិច្ឆិកា និងកីឡាការិនី ភួង សុផល។
សម្រាប់ការប្រកួតខាងលើនេះកម្ពុជាបានបញ្ជូនប្រធានប្រតិភូ១រូប អនុប្រធានប្រតិភូ១រូប នាយកបច្ចេកទេស១រូប ជំនួយការបច្ចេកទេស២រូប អាជ្ញាកណ្តាល៣រូប គ្រូបង្វឹក គ្រូជំនួយ ៦រូប កីឡាករ-កីឡារិនី៣៦នាក់៕
