កម្លាំងសមត្ថកិច្ចប៉ូលិសខណ្ឌ៧មករា ចុះធ្វើសណ្ដាប់តាមដងមហាវិថីនានា ក្នុងមូលដ្ឋាន

ភ្នំពេញ៖កាលពីព្រឹកថ្ងៃទី ០៦ ខែ កញ្ញា ឆ្នាំ ២០២២ នេះដោយមានការចង្អុល បង្ហាញនិងមានការណែនាំជាប្រចាំពីសំណាក់លោកអភិបាលខណ្ឌ៧មករាថេង សុថុល ដោយកម្លាំងគណៈបញ្ជាការឯកភាពខណ្ឌ៧មករា នៃរាជធានីភ្នំពេញបានចុះរៀបចំធ្វើសណ្តាប់ធ្នាប់ តាមដងមហាវិថីនានានៅក្នុងមូលដ្ឋានខណ្ឌ៧មករា ដោយលកលៃធ្វើយ៉ាងណាអោយមានភាពល្អប្រសើរនិងមានរបៀបរៀបរយដោយគ្មានការដាក់តាំងអីវ៉ាន់ឬទំនិញលយហូហៀរមកលើផ្លូវថ្នល់ឬមក លើមហាវិថីធំៗ ចំនួន ០៦ គឺ
ទី១/ មហាវិថីព្រះសីហនុលេខ(២៧៤)
ទី២/ មហាវិថីហ្សាវាហារឡានេរុហ៍ លេខ (២១៥)
ទី៣/ មហាវិថីកម្ពុជាក្រោមលេខ(១២៨)
ទី៤/ មហាវិថីព្រះមុនីវង្សលេខ(៩៣)
ទី៥/ មហាវិថីហ្សាលដឺគោលលេខ(២១៧) និង ទី៦/ មហាវិថីសហពន្ធ័រុស្សី លេខ(១១០) ជុំវិញវត្តព្រះពុទ្ធមានបុណ្យ និងវត្ត មង្គវ័ន(ហៅវត្តស្វាយបង្គុំ)ដោយធ្វើការណែនាំអោយបងប្អូនប្រជាពលរដ្ឋដែលជាអាជីវករដាក់តាំងលក់សម្ភារះឬមុខទំនិញផ្សេងៗតាមមុខផ្ទះនិមួយៗស្របដងមហាវិថីខាងលើនោះអោយថយលយចូលក្នុងផ្ទះវិញរៀងៗដើម្បីរក្សានូវសណ្តាប់ធ្នាប់ របៀបរៀបរយបានល្អប្រសើរផងដែរ ពោលគឺទីក្រុងនៃរាជធានីភ្នំពេញស្អាតគឺផ្ដើមចេញពីយើងទាំងអស់គ្នារួមដៃគ្នាធ្វើ។ហើយម៉្យាងទៀតគឺដើម្បីរំដោះចិញ្ចើមផ្លូវសំរាប់អ្នកថ្មើជើងដែរ៕