អ្នកយកព័ត៌មាន ម្នាក់ស្លាប់ ដោយសារគ្រោះថ្នាក់ចរាចរណ៍

ភ្នំពេញ ៖ ដោយអ្នកយកព័ត៌មានជើងចាស់ម្នាក់ របស់កាសែតកម្ពុជាថ្មី បានជិះម៉ូតូឌ្រីមសង់ មួយគ្រឿង ទៅបុកជាមួយរថយន្ត Starex នៅផ្លូវបំបែកជាបួន បណ្ដាលឲ្យដួលបោកក្បាលនឹងថ្នល់ស្លាប់ កាលពីវេលាម៉ោង០៩និង៤៥នាទីព្រឹក ថ្ងៃទី១៩ ខែកញ្ញា ឆ្នាំ២០២២ ស្ថិតនៅផ្លូវបំបែកជាបួន R6 ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ ។

សពជនរងគ្រោះមានឈ្មោះលោក ឌី រៀ ភេទប្រុស អាយុ ៥៥ ឆ្នាំ ជាភ្នាក់ងារគេហទំព័រកាសែតកម្ពុជាថ្មី។

តាមប្រភពព័ត៌មានពីកន្លែងកើតហេតុបានដឹងថា ជនរងគ្រោះជិះម៉ូតូម៉ូតូម៉ាកហុងដាឌ្រីម ពាក់ផ្លាកលេខភ្នំពេញ 1FD-9887 ធ្វើដំណើរពីរជើងទៅត្បូង លុះមកដល់ត្រង់ចំណុចផ្លូវបែកជាបួន ស្រាប់តែមានរថយន្តម៉ាក Hyandai Starex ពណ៌ទឹកប្រាក់ ពាក់ផ្លាកលេខព្រះសីហនុ 2B-5858 បើកបរដោយបុរសមិនទាន់ស្គាលអត្តសញ្ញាណ បុ.កពេញទំ.ហឹងបណ្ដាលឱ្យភាគីខាងម៉ូតូ រងរបួសធ្ងន់ ត្រូវបានបញ្ជូនទៅសង្គ្រោះតែអកុសលត្រូវបានស្លា-ប់ក្រោយពេលទៅមន្ទីរពេទ្យ។

ក្រោយកើតហេតុសមត្ថកិច្ចមូលដ្ឋាន ក៏បានចុះទៅដល់ត្រួតពិនិត្យមើលរួចរាល់ ទើបទាក់ទងទៅផ្នែកជំនាញ នៃស្នងការដ្ឋាននគរបាលចរាចរណ៍រាជធានីភ្នំពេញ ឱ្យចុះមកធ្វើការវាស់វែង នឹងយករថយន្តបង្ករួមទាំងម៉ូតូជនរងគ្រោះ ទៅរក្សាទុករង់ចាំដោះស្រាយគ្នានៅពេលក្រោយ។