ដឹងពីតម្លៃខ្លួន អ្នកប្រដាល់គុនខ្មែរ ដែលល្បីៗ

ភ្នំពេញ៖ក្នុងខណៈដែលប្រដាល់គុនខ្មែរមានទីផ្សារខ្ពស់នៅក្នុងស្រុកនោះតម្លៃខ្លួនរបស់ពួកគេក៏ហក់ឡើងស្រឺតៗដែរហើយអ្នកប្រដាល់ខ្លះក៏ចាប់ផ្ដើលើកតម្កើងខ្លួនទៀតផង។
អ្នកប្រដាល់ធឿន ធារ៉ាដែលសិស្សរបស់លោក អេ ភូថង តម្លៃខ្លួនរបស់គេ បានហក់ឡើងដល់ចំនួន ៧០០ ដុល្លារក្នុងមួយប្រកួត ។ តម្លៃខ្លួននេះក៏អាចប្រែប្រួលតិចតួចទៅតាមស្ថានីយទូរស្សន៍សុំការយោគយល់បញ្ចុះតម្លៃខ្លះ ព្រោះអាចមកពីកង្វះថវិកា ឬកង្វះអ្នកចូលរួមជួយឧបត្ថម្ភជាដើម។
រឿង សោភ័ណ្ឌជាអ្នកប្រដាល់ជំនាញ ឆ្វេងរូបនេះ ត្រូវបានគេទម្លាយមកថា ក្នុងមួយប្រកួត រឿង សោភ័ណ្ឌ ទទួលបានពី ៥០០ ទៅ ៦០០ ដុល្លារ ។ ប៉ុន្តែមួយរយៈចុងក្រោយនេះតម្លៃខ្លួនបានហក់ឡើងដល់៧០០ ដុល្លារក្នុងមួយប្រកួត ហើយពេលខ្លះក៏អាចឈានដល់
១ពាន់ដុល្លារទៀតផង។

ផល សោភ័ណ្ឌ កីឡាកររបស់ក្លិបតាឡីដំរីមានរិទ្ធរូបនេះ ក៏មានតម្លៃខ្លួនមិនអន់នោះដែរនាពេលបច្ចុប្បន្ន ពោលគឺស្ថិតនៅចន្លោះពី ៥០០ ទៅ ៦០០ដុល្លារផងដែរក្នុងមួយប្រកួត។
ឡៅ ចន្ទ្រា តម្លៃខ្លួននាពេលបច្ចុប្បន្នបានហក់ឡើងខ្លាំង ដោយរូបគេបានទាមទារតម្លៃខ្លួនចំនួន១ពាន់ដុល្លារពីអ្នករៀបចំកម្មវិធីប្រដាល់ ។ ខណៈកាលពី២ឬ៣ឆ្នាំមុនកីឡាកររូបនេះទទួលបានត្រឹម៤០០ ទៅ៥០០ដុល្លារប៉ុណ្ណោះ។ ប៉ុន្តែតម្លៃ១ពាន់ដុល្លារនេះកម្រមានអ្នករៀបចំកម្មវិធីប្រដាល់ហ៊ានចាយលុយយករូបគេមកវាយណាស់ បើហ៊ានត្រឹមតែ៧០០ដុល្លារប៉ុណ្ណោះ។
ឡៅ ចិត្រា ៖ អ្នកប្រដាល់ជើងខ្លាំងប្រចាំក្លិបឆ័ត្រយោង ៩១១ រូបនេះក៏មិនខុសពីបងប្រុស ឡៅ ចន្ទ្រា ប៉ុន្មានដែរ ពោលគឺតម្លៃខ្លួនពី ៥០០ ទៅ ៦០០ ដុល្លារនាពេលបច្ចុប្បន្ន។
ឃីម បូរ៉ា ៖ ម្ចាស់មេដាយមាសថ្នាក់ជាតិប្រភេទទម្ងន់ ៦០ គីឡូក្រាម ឃីម បូរ៉ា ត្រូវបានគេដឹងថា តម្លៃខ្លួនរបស់គេក្នុងមួយប្រកួតលើសង្វៀនក្នុងស្រុក គឺទទួលបានចាប់ពី ៥០០ ទៅ ៥៥០ ដុល្លារ ក្នុងមួយប្រកួត។
ឈុត សេរីវណ្ណថងដែលមានរហស្សនាមថារាហ៊ូមាសនិងជាម្ចាស់ខ្សែក្រវាត់មាសរបស់ស្ថានីយទូរទស្សន៍ PNN បានទទួលប្រាក់តម្លៃខ្លួនចាប់ពី ៤០០ ទៅ ៤៥០ ដុល្លារ។

ម៉ឺន មេឃាកូនប្រុសច្បងលោកគ្រូ អេ ភូផង រូបនេះ ទទួលបានតម្លៃខ្លួន ចាប់ ៤០០ ទៅ៤៥០ ដុល្លារក្នុងមួយប្រកួត។
អេលីត សាន់ ៖ អ្នកប្រដាល់ជើងខ្លាំងប្រចាំក្លិបនាយកដ្ឋានអង្គរក្សរូបនេះបានទទួល តម្លៃខ្លួន ពី ៣៥០ ទៅ ៤០០ ដុល្លារ។
សព្វថ្ងៃនេះដោយសារជម្ងឺតួឯកកំពុងតែលុកលុយក្នុងអារម្មណ៍របស់អ្នកប្រ
ដាល់មួយចំនួននោះសហព័ន្ធបានកំណត់ថាសម្រាប់អ្នកប្រដាល់ដែលជាកីឡាករជម្រើសជាតិ
នឹងទទួលបាន៧០០ដុល្លារតែម្ដងពីស្ថានីយទូរទស្សន៍។ ប៉ុន្តែប្រសិនបើស្ថានីយទូរទស្សន៍ទាក់ទងដោយខ្លួនឯងមិនឆ្លងកាត់សហព័ន្ធទេនោះ ត្រូវចរចាដោយខ្លួនឯង ៕