សុខចិត្តចុះហត្ថលេខាទាំងថ្ងៃទាំងយប់ឱ្យទាន់ចិត្តសិស្ស និស្សិតទើបប្រឡងជាប់យកលិខិតបញ្ជាក់ទៅប្រើប្រាស់ទាន់ពេលវេលា

ភ្នំពេញ៖ កាលពីថ្ងៃទី២៧ ខែកញ្ញា​ ឆ្នាំ២០១៨ សកម្មភាពរបស់ថ្នាក់ដឹកនាំ នៃរដ្ឋបាលខណ្ឌច្បារអំពៅ ដឹកនាំដោយលោក ចេង មុនីរ៉ា អភិបាលខណ្ឌច្បារអំពៅ បាននឹងកំពុងមមាញឹកក្នុងការចុះហត្ថលេខាលើឯកសារនីត្យានុកូលកម្ម ជូនប្អូនៗសិស្សានុសិស្ស ទើបប្រឡងជាប់។

ក្នុងនោះមានថ្នាក់ថ្នាក់សញ្ញាប័ត្រមធ្យមសិក្សាបឋមភូមិ និងសញ្ញាបត្រមធ្យមសិក្សាទុតិយភូមិ ក្នុងឆ្នាំ២០១៨ ដែលបានយកវិញ្ញាប័នប័ត្របណ្ដោះអាសន្នមធ្យមសិក្សាបឋមភូមិ វិញ្ញាបនបត្របណ្ដោះអាសន្នមធ្យមសិក្សាទុតិយភូមិ និងវិញ្ញាបនបត្របញ្ជាក់ការសិក្សាថ្មាក់ទី១២ មកធ្វើការបញ្ជាក់នៅការិយាល័យច្រកចេញចូលតែមួយ សាលាខណ្ឌច្បារអំពៅ ។៕