រដ្ឋមន្ត្រីកសិកម្ម ចាប់ផ្ដើម ជាផ្លូវការពិនិត្យទីតាំង ដែលមានប្រជាពលរដ្ឋរងគ្រោះ ដោយទឹកជំនន់
ភ្នំពេញ៖ រដ្ឋមន្ត្រីកសិកម្ម ចាប់ផ្ដើម ជាផ្លូវការពិនិត្យទីតាំង ដែលមានប្រជាពលរដ្ឋរងគ្រោះ ដោយទឹកជំនន់ ដើម្បីចែកជូននូវជំនួយ សម្រាប់ស្តារឡើងវិញនូវការខូចខាត។
បន្ទាប់ពីប្រជុំវាយតម្លៃនិងចាត់ចែងការងារនៅក្រសួងពេញមួយថ្ងៃម្សិលមិញ នៅព្រឹកថ្ងៃទី ១៩ ខែតុលា ឆ្នាំ ២០២២ ឯកឧត្តម ឌិត ទីណា រដ្ឋមន្ត្រីក្រសួងកសិកម្មរុក្ខាប្រមាញ់ និងនេសាទ បានធ្វើដំណើរតាម ឧទ្ធម្ភាគចក្រជាមួយ ឯកឧត្តម គន់ គីម ទេសរដ្ឋមន្ត្រី អនុប្រធានទី១ គណកម្មាធិការជាតិគ្រប់គ្រងគ្រោះមហន្តរាយ ចុះបំពេញបេសបេសកកម្មតាមខេត្ត និងចាប់ផ្ដើមជាផ្លូវការ ទៅតាមបណ្តាទីតាំងដែលមានប្រជាពលរដ្ឋរងគ្រោះដោយទឹកជំនន់ ដើម្បីចែកជូននូវជំនួយសម្រាប់ស្តារឡើងវិញនូវការខូចខាត។
ឯកឧត្តម ឌិត ទីណា បានបញ្ជាក់ថា ការងារនេះ ចាំបាច់និងបន្ទាន់ណាស់ ដើម្បីធានាថា បងប្អូនប្រជាកសិករយើង លោកបានទទួលពូជស្រូវសម្រាប់ដាំដុះឡើងវិញទាន់ពេលវេលា នៅពេលដែលទឹកចាប់ស្រកទៅវិញ។
