អគ្គិភ័យឆាបឆេះ ផ្ទះមួយកន្លែង នៅសង្កាត់និរោធ បំផ្លាញអស់សម្ភារៈមួយចំនួន
រាជធានីភ្នំពេញ៖ អគ្គិភ័យបានឆាបឆេះផ្ទះ មួយកន្លែង ដែលហេតុការណ៍នេះបានកើតឡើងនៅវេលាម៉ោង ៨និង៣០នាទី ថ្ងៃពុធ ៣កេីត ខែកត្តិក ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី០២ ខែវិចិ្ឆកា ឆ្នាំ២០២២ ដែលសិ្ថតនៅចំណុចផ្ទះលេខ១១៧ ភូមិតាងៅសង្កាត់និរោធ ខណ្ឌច្បារអំពៅ រាជធានីភ្នំពេញ។
ហេតុការណ៍អគ្គិភ័យឆាបឆេះនេះ គឺបណ្តាលមកពីការ បញ្ចូលកង់អាគុយផ្ទុះលេីអាកុលបង្ករជាអគ្គិភ័យ នឹងធ្វើឲ្យខូចខាតឆេះសម្ភារៈ កែសម្ផស្សក្នុងបន្ទប់ ទំហំ ៤ម៉ែត្រ x ១៤ម៉ែត្រ អស់ចំនួន ១បន្ទប់ នឹងពុំបណ្តាលឲ្យឆាបឆេះរាលដាលដល់អ្នកក្បែរខាងឡេីយ។
នៅវេលាម៉ោង ៩និង០០នាទីនាថ្ងៃខែឆ្នាំដដែល អគ្គិភ័យនេះត្រូវបានពន្លត់បានទាំងស្រុង ដោយប្រើប្រាស់រថយន្តការិយាល័យអគ្គិភ័យ រាជធានីភ្នំពេញ ចំនួន ០២គ្រឿង ប្រេីប្រាស់ទឹកអស់ ០១ឡាន ស្មើរនឹង ០៤ម៉ែត្រ គូប, រថយន្តជំនួយមកពីរថយន្តសាលាខណ្ឌ ចំនួន ០១គ្រឿង ពុំបានប្រើប្រាស់ទឹក និងរថយន្តរបស់បុរី ប៉េង ហួត បឹងស្នោ ចំនួន ០២គ្រឿង ប្រេីប្រាស់ទឹកអស់ ០១ឡាន ស្មេីរនឹង ១០ម៉ែត្រគូប៕
