នគរបាលខណ្ឌពោធិ៍សែនជ័យ បង្ក្រាបឃាត់ខ្លួនជនសង្ស័យ២នាក់ ករណីឆក់ខ្សែ.ក
ភ្នំពេញ ៖ នៅថ្ងៃទី២៥ ខែវិច្ឆិកា ឆ្នាំ២០២២ វេលាម៉ោងប្រហែល១១និង១០នាទី មានករណីលួច(ឆក់ខ្សែក) បង្កដោយជនសង្ស័យមានគ្នា០៣នាក់ បន្ទាប់ពីធ្វើសកម្មភាពរួច ត្រូវបានសមត្ថកិច្ចបង្ក្រាបឃាត់ខ្លួនបានចំនួន២នាក់ រីឯបក្ខពួកម្នាក់រត់គេចខ្លួនបាត់ ។
ជនសង្ស័យមានឈ្មោះ គង់ ផានីត ភេទប្រុស អាយុ២០ឆ្នាំ មុខរបរមិនពិតប្រាកដ ស្នាក់នៅភូមិវិមានទ្រង់ សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ និងឈ្មោះ ហៀង សុខហៀង ភេទប្រុស អាយុ២០ឆ្នាំ មុខរបរមិនពិតប្រាកដ ស្នាក់នៅភូមិវិមានទ្រង់ សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ បានធ្វើសកម្មភាពឆក់ខ្សែកនៅចំណុចផ្លូវបេតុង ភូមិចាក់ជ្រូក សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ។
បច្ចុប្បន្ន ជនសង្ស័យទាំង២នាក់ខាងលើ ត្រូវបានឃុំខ្លួនបណ្តោះអាសន្ននៅអធិការខណ្ឌពោធិ៍សែនជ័យ ដើម្បីសាកសួរ និងរៀបចំសំណុំរឿងបញ្ជូនទៅសាលាដំបូងរាជធានីភ្នំពេញ អនុវត្តបន្តតាមនីតិវិធីច្បាប់ ៕
