ល្បុក្កតោអបអរការដាក់ បញ្ចូលក្នុងបញ្ជីបេតិកភណ្ឌ វប្បធម៌អរូបី នៃមនុស្សជាតិរបស់អង្គការយូណេស្កូ

ភ្នំពេញ៖សហព័ន្ធកីឡាគុនល្បុក្កតោកម្ពុជាបានរៀបចំកម្មវិធីអបអរសាទរនៅទីស្នាក់ការគណៈកម្មាធិការជាតិអូឡាំពិកកម្ពុជានៅថ្ងៃទី១ខែធ្នូឆ្នាំ២០២២ម្សិលម៉ិញនេះដោយបានបង្ហាញនូវមោទនភាពជាតិចំពោះការដាក់បញ្ជូលគុនល្បុក្កតោក្នុងបញ្ជីតំណាងនៃបេតិកភណ្ឌវប្បធម៌អរូបីនៃមនុស្សជាតិរបស់អង្គការយូណេស្កូក្នុងកិច្ចប្រជុំលើកទី១៧នៅទីក្រុងរ៉ាបាតប្រទេសម៉ារ៉ុក កាលពីថ្ងៃទី២៩ ខែវិច្ឆិកា ឆ្នាំ២០២២។
លោកបណ្ឌិតសភាចារ្យច័ន្ទ សារុនប្រធានសហព័ន្ធកីឡាគុនល្បុក្កតោកម្ពុជាបានចាត់
ទុកថានេះគឺជាជោគជ័យប្រកបដោយមោនកភាពជាតិដ៏ធំធេងថ្មីមួយទៀតដែលកើតចេញពីការខិតខំប្រឹងប្រែងនិងការប្តេជ្ញាចិត្តខ្ពស់របស់រាជរដ្ឋាភិបាលកម្ពុជាក្រោមការដឹកនាំរបស់សម្តេចតេជោ ហ៊ុន សែន។
ជោគជ័យនេះគឺជាសក្ខីភាពបង្ហាញពីការស្រឡាញ់ការយកចិត្តទុកដាក់ខ្ពស់របស់ក្រ
សួងវប្បធម៌និងវិចិត្រសិល្បៈប្រឹងប្រែងសហការយ៉ាងជិតស្និទ្ធជាមួយសហព័ន្ធកីឡាគុនល្បុក្កតោកម្ពុជាព្រមទាំងសាលាគុនលោកគ្រូព្រឹទ្ធាចារ្យនិងសិស្សគុនល្បុក្កតោទាំងអស់តាមបណ្តារាជធានីខេត្តទូទាំងព្រះរាណាចក្រកម្ពុជា។

លោកបណ្ឌិតសភាចារ្យគូសបញ្ជាក់បន្ថែមថាជោគជ័យដ៏ធំធេងនេះគឺសបញ្ជាក់ពីការ
ខិតខំតស៊ូក្រាញននៀលរួមគ្នាជាធ្លុងមួយក្នុងការតស៊ូមតិយ៉ាងយូរមិនតិចជាង១ទសវត្សន៍នោះឡើយ។«ក្នុងឱកាសដ៏សប្បាយរីករាយនេះខ្ញុំនៅតែស្តាយថាលោកគ្រូតាជាច្រើនរូបបានបាត់បងជីវិតជាបន្តបន្ទាប់។ហើយនៅពេលនេះប្រសិនបើពួកគាត់នៅមានជីវិតមិនដឹងពួកគាត់សប្បាយចិត្តខ្លាំងប៉ុណ្ណានោះទេ។ យើងសប្បាយ១ពួកគាត់សប្បាយ១០។បើយើងសប្បាយ១០ ពួកគាត់សប្បាយ១០០ដង។នេះជាហេតុផលមួយដែលយើងទាំងអស់គ្នាត្រូវចងចាំនូវការខិតខំតស៊ូយ៉ាងច្រើនរបស់ព្រឹទ្ធាចារ្យគុនល្បុក្កតោទាំងអស់ហើយខ្ញុំសូមឧទ្ទិសនូវស្នាដៃដ៏ធំធេងនេះជូនដល់ពួកគាត់»។

នេះជាមោទកភាពជាតិកម្ពុជាដែលប្រជាជននៅលើពិភពលោកបានទទួលដឹងឮរួច
ហើយនូវគុនល្បុក្កតោត្រូវបានដាក់បញ្ជូលក្នុងបញ្ជីតំណាងនៃបេតិកភណ្ឌវប្បធម៌អរូបីនៃមនុស្សជាតិរបស់អង្គការយូណេស្កូ។ បើយើងមិនបានបំពេញលក្ខខណ្ឌបានពេញលេញនោះទេ អង្គការយូណេស្កូនឹងដកទៅវិញដូច្នេះយើងទាំងអស់គ្នាត្រូវថែរក្សាការពារឲ្យបានល្អប្រសើរនូវភាពជោគជ័យនេះ»។
ដោយឡែកលោកវ៉ាត់ចំរើនអគ្គលេខាធិការសហព័ន្ធកីឡាគុនល្បុក្កតោកម្ពុជាបានទទូចស្នើសុំដល់អ្នកពាក់ព័ន្ធក្នុងវិស័យគុនល្បុក្កតោទាំងអស់ត្រូវបន្តការខិតខំថែរក្សាក្បាច់គុនព្រលឹងជាតិមួយនេះឲ្យកាន់តែល្អប្រសើរ។«ប្រសិនបើយើងមិនថែរក្សាបានល្អនោះទេគឺទី១គេព្រ
មាន។ទី២គេនឹងព្យួរហើយទី៣គឺនឹងដកបេក្ខភាពចេញពីបញ្ជីវិញ»។លោកអគ្គលេខាធិការបានសំណូមឲ្យអ្នកគ្រប់គ្នាត្រូវបន្តពង្រឹងការខិតខំថែរក្សាអភិរក្សនិងអភិវឌ្ឍក្បាច់គុនព្រលឹងជាតិ
ខ្មែរមួយនេះឲ្យបានគង់វង់ កុំឲ្យបាត់បង់៕