គ្រោះថ្នាក់ចរាចរណ៍ថ្ងៃទី១ តុលា ស្លាប់១២នាក់ របួស១៦នាក់
ភ្នំពេញ ៖ យោងតាមរបាយការពីនាយកដ្ឋានចរាចរណ៍ និងសណ្តាប់ធ្នាប់សាធារណៈនៃអគ្គស្នងការដ្ឋាននគរបាលជាតិ បានឲ្យដឹងថា នៅថ្ងៃទី០១ ខែតុលា ឆ្នាំ២០១៨ មានហេតុការណ៍គ្រោះថ្នាក់ចរាចរ នៅទូទាំងប្រទេសកើតឡើងចំនួន ១៥លើក(យប់៩លើក) បណ្តាលឲ្យស្លាប់ ១២នាក់(ស្រី៦នាក់) របួសធ្ងន់ ១២នាក់(ស្រី១នាក់) របួសស្រាល ៤នាក់(ស្រី១នាក់) មិនពាក់មួកសុវត្ថិភាពពេលគ្រោះថ្នាក់ ២០នាក់(យប់១០នាក់) ។
នៅក្នុងករណីគ្រោះថ្នាក់ចរាចរណ៍ទាំង ១៥លើកនេះ បានបង្កឲ្យមានការខូចខាតយានយន្តសរុប ២៤គ្រឿង ក្នុងនោះមានម៉ូតូ ១៥គ្រឿង រថយន្តតូច ៧គ្រឿង រថយន្តធំ ៥គ្រឿង ។ មូលហេតុដែលបណ្តាលឲ្យកើតមានហេតុការណ៍គ្រោះថ្នាក់ចរាចរ គឺបណ្តាលមកពី ល្បឿន ២លើក(ស្លាប់១នាក់) , មិនគោរពសិទ្ធិ ២លើក(ស្លាប់១នាក់), មិនប្រកាន់ស្តាំ ៣លើក(ស្លាប់២នាក់), ស្រវឹង ២លើក(ស្លាប់២នាក់), ប្រជែង ២លើក(ស្លាប់៤នាក់), ងងុយដេក ២លើក(ស្លាប់២នាក់) និងកត្តាយាន ២លើក ។ គ្រោះថ្នាក់នៅលើដងផ្លូវ មានផ្លូវជាតិ ១១លើក ផ្លូវខេត្ត ១លើក ផ្លូវលំ ៣លើក ។ ដោយឡែក យានយន្តដែលបង្កហេតុ រួមមាន ម៉ូតូ ៧លើក រថយន្តតូច ៦លើក រថយន្តធំ ២លើក ។ ខេត្ត-រាជធានី ដែលមានគ្រោះថ្នាក់ និងរងគ្រោះថ្នាក់ រួមមាន ៖ ខេត្តកណ្តាល ១លើក ស្លាប់៤នាក់(ស្រី៣នាក់), កំពង់ចាម ៤លើក ស្លាប់២នាក់(ស្រី១នាក់) របួស៣នាក់, កំពត ៣លើក ស្លាប់១នាក់ របួស៤នាក់, ស្វាយរៀង ១លើក ស្លាប់១នាក់, បាត់ដំបង ២លើក ស្លាប់១នាក់(ស្រី១នាក់) របួស២នាក់(ស្រី១នាក់), បន្ទាយមានបជ័យ ១លើក ស្លាប់១នាក់(ស្រី) របួស៣នាក់, ភ្នំពេញ ១លើក ស្លាប់១នាក់ របួស៣នាក់ និងខេត្តព្រះវិហារ ១លើក ស្លាប់១នាក់ ៕
