ក្នុងថានៈជាម្ចាស់ផ្ទះកម្ពុជា ដាក់អ្នកចំបាប់២៦រូបសម្រាប់ ព្រឹត្តិការណ៍ជើងឯកអាស៊ីអាគ្នេយ៍

ភ្នំពេញ៖ព្រឹត្តិការណ៍ប្រកួតកីឡាចំបាប់ជ្រើសរើសជើងឯកអាស៊ីអាគ្នេយ៍ពីថ្ងៃទី១៦ដល់ថ្ងៃទី១៨ ខែធ្នូ ឆ្នាំ២០២២ដែលកម្ពុជាធ្វើជាម្ចាស់ផ្ទះនោះកម្ពុជាបានដាក់កីឡាករ កីឡាការិនីចំនួន២៦រូបដើម្បីចូលរួមប្រកួត។
សម្រាប់កម្មវិធីប្រកួត នឹងធ្វើឡើងតាមកាលបរិច្ឆេទ និងតាមវិញ្ញាសាប្រកួត រួមមាន៖ ថ្ងៃទី១៦ ខែធ្នូ ឆ្នាំ២០២២ ពិនិត្យសុខភាព-ថ្លឹងទម្ងន់ លើវិញ្ញាក្រិចកូរ៉ូម៉ាំង១០ប្រភេទទម្ងន់ គឺ ក្រោម៥៥គីឡូក្រាម, ៦០គីឡូក្រាម, ៦៣គីឡូក្រាម, ៦៧គីឡូក្រាម, ៧២គីឡូក្រាម, ៧៧គីឡូក្រាម, ៨២គីឡូក្រាម, ៨៧គីឡូក្រាម, ៩៧គីឡូក្រាម និង១៣០គីឡូក្រាម។

នៅថ្ងៃទី១៧ ខែធ្នូ ឆ្នាំ២០២២ ពិនិត្យសុខភាព-ថ្លឹងទម្ងន់ លើវិញ្ញាសាចំបាប់សេរីនារី (Women Free Wrestling) ដោយមាន១០ប្រភេទទម្ងន់ គឺ ៥០គីឡូក្រាម,៥៣គីឡូក្រាម,៥៥គីឡូក្រាម,៥៧គីឡូក្រាម,៥៩គីឡូក្រាម,៦២គីឡូក្រាម, ៦៥គីឡូក្រាម,៦៨គីឡូក្រាម,៧២គីឡូក្រាម និង ៧៦គីឡូក្រាម។
ដោយឡែកនៅថ្ងៃទី១៨ខែធ្នូឆ្នាំ២០២២ពិនិត្យសុខភាពថ្លឹងទម្ងន់លើវិញ្ញាសាចំបាប់សេរីបុរស(Free style)ក្នុងប្រភេទទម្ងន់៥៧គីឡូក្រាម,៦១គីឡូក្រាម៦៥គីឡូក្រាម,៧០គីឡូក្រាម,
៧៤គីឡូក្រាម,៧៩គីឡូក្រាម,៨៦គីឡូក្រាម,៩២គីឡូក្រាម,៩៧គីឡូក្រាម និង១២៥គីឡូក្រាម ។

សម្រាប់រយៈពេល៣ថ្ងៃនេះ នឹងត្រូវពិនិត្យសុខភាព-ថ្លឹងទម្ងន់ ចាប់ពីម៉ោង៨ដល់៨កន្លះ ហើយចាប់ពីម៉ោង ១០ ដល់ម៉ោង ១កន្លះជាការ ប្រកួតជម្រុះ និងចាប់ពីម៉ោង ៤ ដល់ម៉ោង ៧យប់ប្រកួតជុំផ្តាច់ព្រ័ត្រនិងរៀបចំពិធីបំពាក់មេដាយជូនដល់ម្ចាស់ជ័យលាភីដោយពេលវេលាដូចគ្នានេះ នឹងត្រូវធ្វើឡើងដូចៗគ្នា លើប្រភេទវិញ្ញាសាទាំង៣ធំៗនេះ។ ក្នុង១ថ្ងៃៗ នឹងត្រូវប្រកួតបញ្ចប់ និងបំពាក់មេដាយ លើប្រភេទវិញ្ញាសានីមួយៗតែម្តង។
នេះជាព្រឹត្តិការណ៍ប្រកួតដ៏សំខាន់មួយដើម្បីត្រៀមឆ្ពោះទៅរៀបចំនិងការប្រកួតប្រជែងមេដាយលើប្រភេទកីឡាចំបាប់សម្រាប់ស៊ីហ្គេមលើកទី៣២ដែលគ្រោងដំណើរការជាផ្លូវការពីថ្ងៃទី៥ដល់១៧ ខែឧសភា ឆ្នាំ២០២៣ ជាប្រវត្តិសាស្ត្រដំបូងរបស់ព្រះរាជាណាចក្រកម្ពុជា៕