អាជ្ញាកណ្ដាលចំបាប់៥រូប ទទួលបានជោគជ័យ ក្នុងវគ្គអាជ្ញាកណ្ដាលអន្តរជាតិ

ភ្នំពេញ៖វគ្គបណ្ដុះបណ្ដាលអាជ្ញាកណ្ដាលចំបាប់កម្រិតអន្តរជាតិដែលមានរយៈពេល៤ថ្ងៃពីថ្ងៃទី១២ដល់១៥ធ្នូនោះបានបញ្ចប់ហើយ។
អាជ្ញាកណ្ដាលចំបាប់កម្ពុជា ៥រូប រួមមានលោក នុត សេរីរដ្ឋ, យឹង សុផាន់ណារ៉ា, នង គ្រឹះស្នា,ជារតនៈនិងលោកផុនសុភាចបានឆ្លងកាត់ដំណាក់កាលសិក្សាផ្នែកទ្រឹស្ដីដោយជោគជ័យ ក្នុងវគ្គបណ្ដុះបណ្ដាលអាជ្ញាកណ្ដាលអន្ដរជាតិ ដែលរៀបចំដោយគណៈកម្មាធិការជាតិ CAMSOCនិងNOCCសហការជាមួយសហព័ន្ធកីឡាចំបាប់អន្ដរជាតិដោយរង់ចាំមើលលទ្ធផលនៃការអនុវត្តជាក់ស្ដែងក្នុងការប្រកួតកីឡាចំបាប់ជើងឯកអាស៊ីអាគ្នេយ៍ឆ្នាំ២០២២ដើម្បីមានឱកាសក្លាយជាអាជ្ញាកណ្ដាលអន្ដរជាតិ។

វគ្គបណ្ដុះបណ្ដាលមានរយៈពេល ៤ថ្ងៃ នេះមានសិក្ខាកាមចូលរួម ១៩រូប មកពី ៨ប្រទេស គឺមានអាជ្ញាកណ្ដាលកម្ពុជា ស្រីលង្ការ ហ្វីលីពីន ឥណ្ឌូនេស៊ី ឡាវ អ៊ីរ៉ាក់ ឥណ្ឌា និងកូរ៉េខាងត្បូង។សម្រាប់អាជ្ញាកណ្ដាលកម្ពុជា៥រូបខាងលើគឺមាន២នាក់ជាអាជ្ញាកណ្ដាលអន្ដរជាតិ ដែលធ្លាប់ចូលរួមកាត់សេចក្ដីក្នុងស៊ីហ្គេម លើកទី៣១ នៅវៀតណាម កាលពីថ្មីៗ គឺមានរូបលោក និងលោក យឹង សុផាន់ណារ៉ា ខណៈ ៣រូបទៀត ទើបចូលរួមលើកដំបូង តែក៏មានសមត្ថភាពខ្ពស់ទៀតផង។

សម្រាប់វគ្គនេះអាជ្ញាកណ្ដាលរបស់កម្ពុជាបានរៀននិងធ្វើតេស្ដដោយបានប្រឡងជាប់ការសិក្សាផ្នែកទ្រឹស្ដីនិងទទួលបានសញ្ញាបត្ររួចហើយនៅឡើយការអនុវត្តជាក់ស្ដែងក្នុងការប្រកួតកីឡាចំបាប់ជើងឯកអាស៊ីអាគ្នេយ៍ពីថ្ងៃទី១៦នេះ១៨ខែធ្នូហើយបើអាជ្ញាកណ្ដាលរបស់យើងធ្វើបានល្អទៀតសហព័ន្ធកីឡាចំបាប់អន្ដរជាតិនឹងផ្ដល់លិខិតបញ្ជាក់ទទួលស្គាល់ជាសមាជិកអាជ្ញាកណ្ដាលអន្ដរជាតិផ្លូវការតែម្ដដើម្បីមានឱកាសចូលរួមការប្រកួតអន្ដរជាតិផ្សេងៗ។
កម្ពុជាបានទទួលសិទ្ធិធ្វើម្ចាស់ផ្ទះការប្រកួតកីឡាចំបាប់ជើងឯកអាស៊ីអាគ្នេយ៍ឆ្នាំ
២០២២ ដោយមានប្រតិភូ អាជ្ញាកណ្ដាល ចៅក្រម គ្រូបង្វឹក និងកីឡាករ-កីឡាការិនីសរុប ១៩១នាក់ចូលរួម។ប៉ុន្ដែមុនឈានដល់ការប្រកួតសហព័ន្ធអន្ដរជាតិសហការជាមួយម្ចាស់ផ្ទះកម្ពុជា ពិសេសគណៈកម្មាធិការជាតិ CAMSOC, NOCC និងសហព័ន្ធកីឡាចំបាប់កម្ពុជា បានរៀបចំនូវវគ្គបណ្ដុះបណ្ដាលមន្ដ្រីបច្ចេកទេសនិងអាជ្ញាកណ្ដាលចៅក្រមអន្ដរជាតិជាច្រើន
វគ្គមុនចូលរួមកាត់សេចក្ដីក៏ដូចជាការអនុវត្តជាក់ស្ដែងក្នុងព្រឹត្តិការណ៍ប្រចាំតំបន់អាស៊ាននេះ៕