រដ្ឋបាលខណ្ឌ៧មករា បើកកិច្ចប្រជុំស្ដីពីការ ចាក់វ៉ាក់សាំងដូសមូលដ្ឋាន បង្ការជម្ងឺកូវីដ១៩ជូនប្រជាពលរដ្ឋក្នុងមូលដ្ឋាន

ភ្នំពេញ៖នៅសាលាខណ្ឌ៧មករានៃរាជធានីភ្នំពេញកាលពីរសៀលថ្ងៃទី៥ខែមករាឆ្នាំ២០២៣នេះលោក ថេង សុថុល អភិបាល នៃគណៈអភិបាលខណ្ឌ៧មករា បានដឹកនាំកិច្ចប្រជុំដោយធ្វើការផ្សព្វផ្សាយអំពីសេចក្ដីជូនដំណឹងលេខ០៩៣/២២សជណ ចុះថ្ងៃទី៣០ ខែធ្នូ ឆ្នាំ២០២២ របស់រដ្ឋបាលរាជធានីភ្នំពេញ ដោយស្ដីពីការចាក់វ៉ាក់សាំងដូសមូលដ្ឋានបង្ការជម្ងឺកូវីដ១៩ជូនដល់កុមារដែលទើបគ្រប់អាយុ ៣ឆ្នាំ និង ការចាក់វ៉ាក់សាំងដូសជំរុញ(ដូសទី៣ . ដូសទី៤ . ដូសទី៥ . ដូសទី៦ និង ដូសបន្ទាប់) ជូនដល់កុមារអាយុចាប់ពី ៣ឆ្នាំដល់ក្រោម ៥ឆ្នាំ . កុមារអាយុចាប់ពី ៥ដល់ក្រោម ១២ឆ្នាំ, កុមារ-យុវវ័យអាយុចាប់ពី ១២ឆ្នាំ ដល់ក្រោម ១៨ឆ្នាំ និង ប្រជាពលរដ្ឋដែលមានអាយុចាប់ពី ១៨ឆ្នាំឡើងទៅនៅក្នុងរាជធានីភ្នំពេញ។
ដូចនេះសូមបងប្អូនប្រជាពលរដ្ឋដែលរស់នៅក្នុងមូលដ្ឋានខណ្ឌ៧មករានៃរាជធានីភ្នំពេញមកទទួលការចាក់វ៉ាក់សាំងបង្ការជម្ងឺកូវីដ១៩។ដូចការរៀបរាប់ខាងលើនេះ៕