វាយប្លន់យកម៉ូតូហុងដាឌ្រីមសង់សេរីឆ្នាំ២០១៨ បានសម្រេច តែរត់មិនរួច ប៉ូលីសឃាត់ខ្លួន បានជនសង្ស័យ២នាក់
ភ្នំពេញ៖ជនសង្ស័យ២នាក់ត្រូវបានសមត្ថកិច្ចប៉ូលីស ធ្វើការឃាត់ខ្លួន ក្រោយពីបានធ្វើសកម្មភាពវាយប្លន់យកម៉ូតូហុងដាឌ្រីមសង់សេរីឆ្នាំ២០១៨ បានសម្រេច តែរត់មិនរួចទើបប៉ូលីស ឃាត់ខ្លួនបានជនសង្ស័យ ទាំង២នាក់តែម្តង។
ករណីវាយប្លន់យកម៉ូតូនេះបានកើតឡើងកាលពី នៅវេលាម៉ោង៣និង៣០នាទី ទៀបភ្លឺថ្ងៃទី២០ ខែមិថុនា ឆ្នាំ២០១៨ នៅមុខផ្ទះសំណាក់៣៤២តាមបណ្ដោយផ្លូវលេខ២៧១ ក្នុងសង្កាត់ស្ទឹងមានជ័យទី២ ខណ្ឌមានជ័យ ។
ជនសង្ស័យដែលសមត្ថកិច្ចឃាត់ខ្លួន ទី១៖មានឈ្មោះគង់ម៉េង ភេទប្រុស អាយុ១៥ឆ្នាំមុខរបជាងឡានស្នាក់ច្បារអំពៅខណ្ឌច្បារអំពៅ ។
ទី២.មានឈ្មោះឃុត ភារម្យភេទប្រុសអាយុ២៧ឆ្នាំមុខរបរ អូឌ័រ ខារ៉ាអូខេអឹមភារៀ ម្ដុំផ្សាយដីហ៊ុយ។
ជនរងគ្រោះជាម្ចាស់ម៉ូតូឈ្មោះ រឹទ្ធ ភេទប្រុស អាយុ២៨ឆ្នាំស្នាក់នៅពោធិ៍ចិនតុងខណ្ឌពោធិ៍សែនជ័យនិងងម្នាក់ទៀតឈ្មោះ ដារ៉ា អាយុ២៩ស្នាក់នៅម្ដុំផ្សារសូឡា សង្កាត់ស្ទឹងមានជ័យ ខណ្ឌមានជ័យ។
ម៉ូតូដែលត្រូវជនសង្ស័យវាយប្លន់យកទៅបាត់នោះម៉ាក ហុងដាឌ្រីមសេរីឆ្នាំ២០១៨ ពណ៍ខ្មៅ មិនចាំស្លាកលេខ។
បើតាមការរៀបរាប់របស់ជនរងគ្រោះ ដែលជិះម៉ូតូជាមួយគ្នា បានឱ្យដឹងថា មុនពេលកើតហេតុរូបគេនិងមិត្តភ័ក្ខ ម្ចាស់ម៉ូតូ ទើបតែចេញពីហូបអី នៅម្ដុំមុខសាលា សាមគ្គី ដោយធ្វើដំណើរតាមបណ្ដោយផ្លុវលេខ២៧១ បំណងទៅផ្ទះសង្សានៅភូមិព្រែកទាល់។
ប្រភពបានបន្តថា ពេលដែជិះមកដល់ចំណុចកើតហេតុខាងលើ ស្រាប់តែមានជនសង្ស័យមួយក្រុមជិះម៉ូតូ៥ទៅ៦គ្រឿងមកពីក្រោយធ្វើសកម្មភាព វាយប្លន់យកម៉ូតូតែម្ដង បណ្ដាលអោយជនរងគ្រោះជាម្ចាស់ម៉ូតូរងរបួសធ្ងន់បញ្ជូនទៅមន្ទីរពេទ្យ។
ក្រោយពីកើតហេតុភ្លាមៗ កម្លាំងនគរបាកប៉ុស្ដិ៍ទំនប់ទឹក ខណ្ឌចំកាមន បានប្រដេញចាប់បានបក្ខពួកជនសង្ស័យចំនួនពីរនាក់ និងដកហូតម៉ូតូម៉ាកស៊ុយស៊ូគីឡែត មួយគ្រឿង ពាក់ស្លាកលេខភ្នំពេញGT-8765 យកមកសួរនាំ។ ក្រោយពីសួរនាំសមត្ថកិច្ចប៉ុស្ដិ៍ទំនប់ទឹក បានប្រគល់ជនសង្ស័យ ឱ្យទៅកម្លាំងសមត្ថកិច្ចប៉ុស្ដិ៍ស្ទឹងមានជ័យ២ និងឱ្យជនរងគ្រោះទៅដាក់ពាក្យបណ្ដឹង ដើម្បីបន្តនីតិវិធីច្បាប់៕
