នគរបាលខណ្ឌឬស្សីកែវ ចាប់ខ្លួនជនសង្ស័យមុនាក់ ដែលលួចរត់ពីខេត្តព្រៃវែង

ភ្នំពេញ ៖ នៅថ្ងៃទី០៩ ខែកុម្ភៈ ឆ្នាំ២០២៣ វេលាម៉ោង១៥ និង០០នាទី នគរបាលខណ្ឌប្ញស្សីកែវ បានចុះបង្ក្រាបអ្នកប្រើប្រាស់គ្រឿងញៀន ក្នុងនោះបានឃាត់ខ្លួនជនសង្ស័យ១នាក់ នៅចំនុចផ្លូវបេតុង ភូមិផ្សារតូច សង្កាត់ទួលសង្កែទី១ ខណ្ឌឬស្សីកែវ ។

សមត្ថកិច្ច បានអោយដឹងថា ឈ្មោះ ប៉ុល សាវ៉ាតភេទប្រុស អាយុ២១ឆ្នាំ មុខរបរគ្មាន ផ្ទះនៅភូមិក្រាំងស្វាយ ឃុំក្រាំងស្វាយ ស្រុកព្រះស្តេច ខេត្តព្រៃវែង។ ក្នុងនោះសមត្ថកិច្ចបានដកហូត ម៉ូតូ១គ្រឿងម៉ាកC125ពណ៍ខ្មៅសារី២០២២ពាក់ស្លាកលេខ1JT7871។

បន្ទាប់ពីឃាត់ខ្លួនជនសង្ស័យខាងលើ សមត្ថកិច្ចបានធ្វើការស្រាវជ្រាវ បានដីងថា ជនសង្ស័យពិតជាបានធ្វើសកម្មភាពលួចម៉ួតូពីភូមិក្រាំងស្វាយ ឃុំក្រាំងស្វាយ ស្រុកព្រះស្តេច ខេត្តព្រៃវែង។

លោក ហ៊ាង ថារ៉េត អធិការខណ្ឌខណ្ឌ បានអោយដឹងថា ជនរងគ្រោះ ឈ្មោះ អឿន អុីម ភេទប្រុស អាយុ៣៤ឆ្នាំស្នាក់នៅភូមិទ្រាល ឃុំស្វាយរលំ ស្រុកមេសាង ខេត្តព្រៃវែង មុខរបរបុគ្គលិកអគ្គីសនី។
បន្ទាប់មកនគរបាលខណ្ឌប្ញស្សីកែវ បានសហការណ៍ប្រគល់ជនសង្ស័យ និងវុត្ថុតាង ឲ្យទៅនគរបាលខេត្តព្រៃវែង ដើម្បីអនុវត្តនិតិវិធីបន្ត ៕