លោកអភិបាលខណ្ឌ7មករា ចុះជួបសំណេះសំណាល ជាមួយបងប្អូនអាជីវករផ្សារអូឬស្សី

ភំពេញ៖នៅព្រឹកថ្ងៃទី17ខែកុម្ភះឆ្នាំ2023នេះលោក ថេង សុថុល អភិបាលខណ្ឌ៧មករា នៃរាជធានីភ្នំពេញដែលអមដំណើរដោយអស់លោក .លោកស្រីជាអភិបាលរងខណ្ឌ និង លោកប្រធាន .អនុប្រធានផ្សារអូឬស្សីព្រមទាំងមន្រ្តីក្រោមឱវាទនៃរដ្ឋបាលខណ្ឌ7មករាជាច្រើនរូបទៀតដោយបានអញ្ចើញចុះជួបសំណេះសំណាល និង សួរសុខទុក្ខ ដល់បងប្អូនអាជីវករលក់ដូរអីវ៉ាន់ឬទំនិញគ្រប់ប្រភេទនៅតាមបណ្ដាតូបឬស្ដង់លក់ដូរនិមួយៗនៅក្នុងបរិវេណផ្សារអូឬស្សីដែលស្ថិតនៅក្នុងមូលដ្ឋានខណ្ឌ7មករានៃរាជធានីភ្នំពេញហើយ ព្រមទាំងបានផ្សព្វផ្សាយនែនាំ ទៅដល់បងប្អូនអាជីវករដែលប្រកបមុខលក់ដូរនៅក្នុងផ្សារអូឬស្សីទាំងអស់គ្នាអោយភ្ជាប់គណនីតេឡេក្រាម (Telegram) របស់សម្តេចតេជោហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជាដោយផ្ទាល់ ដើម្បីទទួលបាននូវព័ត៌មានថ្មីៗ និង លឿនឆាប់រហ័សទាន់ចិត្តផងដែរ។

នាឱកាសនោះគេសង្កេតឃើញបងប្អូនអាជីវករនៅតាមតូបឬស្ដង់លក់ដូរនិមួយៗនៅផ្សារអូឬស្សីបានញញឹមញញែមយ៉ាងស្រស់ស្រាយដោយស្វាគមន៍ដល់លោកអភិបាលខណ្ឌ7មករា និង សហការីពេលចុះទៅជួបសំណេះសំណាលដល់ពួកគាត់ដូចការរៀបរាប់លើកឡើងខាងលើនេះ៕