កម្លាំងសមត្ថកិច្ច ប៉ូលិសខណ្ឌឫស្សីកែវ ចុះបង្រ្កាបករណីជួញដូថ្នាំញៀនឃាត់ខ្លួន ៣នាក់

ភ្នំពេញៈ លោកគល់ យី អធិការប៉ូលិសខណ្ឌឫស្សីកែវ បានប្រាប់មកគេហទំព័រភ្នំពេញរីផតធ័រ នៅព្រឹកថ្ងៃទី៩ ខែតុលា ឆ្នាំ២០១៨នេះដោយស្តីពីការបង្ក្រាបជាក់ស្តែង ករណីជួញដូរនូវសារធាតុញៀន ដោយខុសច្បាប់នៅថ្ងៃទី០៨ ខែតុលាឆ្នាំ២០១៨វេលាម៉ោង ២៣:៣០នាទី នៅចំណុច ផ្លូវបេតុងភូមិមិត្តភាព សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញក្នុងនោះ កំលាំងសមត្ថកិច្ចប៉ូលិសប៉ុស្តិ៍ឫស្សីកែវបានឃាត់ខ្លួនជនសង្ស័យចំនួន ០៣នាក់គឺ
១/ ឈ្មោះ ភុក សុខលាង ភេទប្រុស អាយុ១៨ឆ្នាំ ទីលំនៅនិងមុខរបរមិនពិតប្រាកដ (ជួញដូរ) ។
២/ ឈ្មោះសៀក វិវឌ្ឍន៍ ហៅអាវឌ្ឍន៍ ភេទប្រុស អាយុ២៥ឆ្នាំ មុខរបរកម្មករសំណង់ ស្នាក់នៅផ្ទះជួល ភូមិស្ពាបខ្ពស់ សង្កាត់គីឡូម៉ត្រលេខ៦ ខណ្ឌឫស្សីកែវ រាជធានីភ្នំពេញ(ប្រើប្រាស់)និងទី
៣/ ឈ្មោះ ពុធ បណ្ឌិត ហៅអាហ្វុង ភេទប្រុស អាយុ២៣ឆ្នាំ មុខរបរមិនពិតប្រាកដ ស្នាក់នៅផ្ទះលេខ៤៨H2 ផ្លូវលំ ក្រុមទី១០ ភូមិក្រោលគោ សង្កាត់គីឡូម៉ែត្រលេខ៦ ខណ្ឌឫស្សីកែវ រាជធានីភ្នំពេញ(ប្រើប្រាស់)។

ចំពោះសំភារៈដកហូតរួមមាន:
១/ម្សៅក្រមសរថ្លាចំនួន០៨កញ្ចប់ថង់តូច ។

ចំពោះមុខផ្នែកជំនាញខណ្ឌ ប៉ុស្តិ៍កំពុងសាកសួរយកចំលើយកសាងសំណុំរឿងបញ្ចូនទៅសាលាដំបូងរាជធានីភ្នំពេញ ដើម្បីអនុវត្តន៍តាមនីតិវិធី៕