រថភ្លើងមួយខ្សែរត់ធ្លាក់ផ្លូវនៅចំណុចឃុំត្បែងខ្ពស់ទាំងយប់

កំពង់ឆ្នាំង ៖ រថភ្លើងមួយខ្សែរត់ក្នុងទិសដៅឆ្ពោះទៅកាន់ភ្នំពេញ បានរត់ធ្លាក់ផ្លូវនៅចំណុចឃុំត្បែងខ្ពស់ ស្រុកសាមគ្គីមានជ័យ ខេត្តកំពង់ឆ្នាំង ដែលករណី​រថភ្លើង​ធ្លាក់​ផ្លូវ​នៅស្ថានីយ៍​ត្បែងខ្ពស់ ​ម៉ោង៨យប់​ ថ្ងៃទី៩ ខែតុលា ឆ្នាំ២០១៨។

អ្នកធ្វើដំណើរម្នាក់ដែលជិះតាមរថភ្លើងគោលដៅពីបាត់ដំបងទៅភ្នំពេញ បានឲ្យដឹងថា រថភ្លើងដែលពួកគេកំពុងជិះនោះបានធ្លាក់ផ្លូវ នៅក្នុង តំបន់ដាច់ស្រយាលមួយ។ ក្រោយពេលរថភ្លើងរត់ធ្លាក់ផ្លូវហើយ លោកក៏បានយកម៉ូតូ ដែលដាក់ផ្ញើលើរថភ្លើងនោះ ជិះបន្តដំណើរទៅភ្នំពេញ។​

សមត្ថកិច្ចនៅមិនទាន់បង្ហាញរបាយការណ៍ ចំនួនអ្នកគ្រោះថ្នាក់ និងចំនួននៃការខូចខាតទ្រព្យ សម្បត្តិ និងមូលហេតុនៃការបណ្តាលឲ្យ រថភ្លើងរត់ធ្លាក់ផ្លូវនេះនៅឡើយទេ៕