ស្លាប់និងរងរបួសចំនួន ០៨នាក់ ក្នុងការបំផ្ទុះនៅក្នុងព្រឹត្តិការណ៍អបអរអ្នកកាសែត នៅប្រទេសអាហ្វហ្គានីស្ថាន

អាហ្វហ្គានីស្ថាន ៖ បើយោងតាមអាជ្ញាធរ និងក្រុមអ្នកកាសែតបានឲ្យដឹងថា កាលពីថ្ងៃសៅរ៍ មានការបំផ្ទុះមួយបានវាយប្រហារមជ្ឈមណ្ឌលវប្បធម៌មួយ ក្នុងអំឡុងពេលព្រឹត្តិការណ៍អបអរអ្នកកាសែតនៅភាគខាងជើង ប្រទេសអាហ្វហ្គានីស្ថាន ដោយបានសម្លាប់មនុស្សយ៉ាងហោចណាស់ចំនួនមួយនាក់ និងរងរបួសចំនួន០៨នាក់ ហេតុការណ៍នេះបានកើតឡើងក្នុងរយៈពេលប៉ុន្មានថ្ងៃប៉ុណ្ណោះ បន្ទាប់ពីមានការបំផ្ទុះមួយផ្សេងទៀត ដែលបានសម្លាប់អភិបាលខេត្តនេះ ដែលអះអាងដោយរដ្ឋអ៊ីស្លាម។
អ្នកនាំពាក្យក្រសួងមហាផ្ទៃនៃរដ្ឋបាលតាលីបង់លោក Abdul Nafi Takor បាននិយាថា “ថ្ងៃនេះ នៅវេលាម៉ោង ១១:៣០នាទីព្រឹក ការបំផ្ទុះមួយបានកើតឡើងនៅមជ្ឈមណ្ឌលវប្បធម៌ Tabyan ក្នុងសង្កាត់នគរបាលទីពីរនៃទីក្រុង Mazar-i-Sharif ក្នុងខេត្ត Balkh ដែលបានកើតឡើងដោយសារអណ្តូងរ៉ែមួយ”។
លោក Takor បានបន្ថែមថា អ្នកកាសែតចំនួនប្រាំនាក់ និងកុមារចំនួនបីនាក់ ស្ថិតក្នុងចំណោមជនរងរបួស និងបុគ្គលិកសន្តិសុខម្នាក់ត្រូវបានស្លាប់។ ភ្លាមៗនេះនៅមិនទាន់ដឹងច្បាស់ថា នរណានៅពីក្រោយការបំផ្ទុះនោះទេ ៕