ម៉ូតូបំពាក់ស៊ីម៉ាំងបំពងសម្លេងខ្លាំង ខុសបច្ចេកទេស បង្កម្លេងរំខាន ចំនួន ១៨គ្រឿង ត្រូវបានសមត្ថកិច្ចនគរបាលខណ្ឌដូនពេញ ធ្វើការបង្ក្រាបចាប់ឃាត់
ភ្នំពេញ៖ អធិការដ្ឋាននគរបាលខណ្ឌដូនពេញ ចេញរបាយការណ៍ ស្តីពី លទ្ធផលបង្ក្រាបក្រុមម៉ូតូបំពងសម្លេងខុសបច្ចេកទេស(ស៉ីមាំងប្រែន) ដែលរំខានការរស់នៅរបស់ប្រជាពលរដ្ឋ ក៍ដូចជាភ្ញៀវជាតិ អន្តរជាតិ និងក្រុមបង្ហោះម៉ូតូតាមដងផ្លូវ ទីសាធារណៈ នៅក្នុងភូមិសាស្ត្រខណ្ឌដូនពេញនៅថ្ងៃទី១៤ ខែមីនា ឆ្នាំ២០២៣។
ដោយអនុវត្តតាមបទបញ្ជា និងការណែនាំជាប្រចាំរបស់ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ នៅថ្ងៃទី១៤ ខែមីនា ឆ្នាំ២០២៣ កម្លាំងជំនាញនៃអធិការដ្ឋាននគរបាលខណ្ឌដូនពេញ បានធ្វើការឃាត់ម៉ូតូបំពងសំឡេងស៊ីម៉ាំងប្រែនបានចំនួន ១៨គ្រឿង នៅក្នុងភូមិសាស្ត្រខណ្ឌដូនពេញ រាជធានីភ្នំពេញ ដោយបានធ្វើការណែនាំអប់រំ ធ្វើកិច្ចសន្យា និងផាកពិន័យតាមច្បាប់ ហើយតម្រូវឲ្យម្ចាស់ម៉ូតូយករបស់ដើម មកប្តូរនៅមុខសមត្ថកិច្ច ទើបប្រគល់ម៉ូតូឲ្យវិញ៕
